影片
更多
2019-02-03
44 瀏覽
轉左過嚟長沙灣返工後，都唔多機會explore下呢度嘅餐廳。咁啱呢日遲咗收工，就近近地同男友去咗附近呢間西餐廳，估唔到水準非常唔錯！特別係炭燒阿根廷天使粉紅蝦闊條麵($108)，超好食！醬汁好濃郁蝦嘅鮮味，闊條麵煮得剛好有口感，而且非常掛汁，每啖都食到好濃好濃嘅蝦味！兩隻天使粉紅蝦肉質彈滑，但都係被個pasta搶去風頭！真心驚喜！法式油封鴨髀$108有兩大隻，性價比高。鴨髀外皮香脆，內裡肉質嫩滑柔軟，入口唔會話乾。焦糖熱情果醬汁甜甜酸酸，亦減去鴨髀嘅膩，唔錯。+$20有餐湯、飲品及甜品。香芋鮮奶甜度略高，香芋味亦比較人工，唔係咁推薦。甜品竟然係crepe，雖然入面只有忌廉，但係都好滿足！
特別係炭燒阿根廷天使粉紅蝦闊條麵($108)，超好食！醬汁好濃郁蝦嘅鮮味，闊條麵煮得剛好有口感，而且非常掛汁，每啖都食到好濃好濃嘅蝦味！兩隻天使粉紅蝦肉質彈滑，但都係被個pasta搶去風頭！真心驚喜！
法式油封鴨髀$108有兩大隻，性價比高。鴨髀外皮香脆，內裡肉質嫩滑柔軟，入口唔會話乾。焦糖熱情果醬汁甜甜酸酸，亦減去鴨髀嘅膩，唔錯。
+$20有餐湯、飲品及甜品。
香芋鮮奶甜度略高，香芋味亦比較人工，唔係咁推薦。
甜品竟然係crepe，雖然入面只有忌廉，但係都好滿足！
張貼
