珍煮丹 (已結業)

見到好多人介紹，一直都好想試~結果真係幾鐘意，下次想試下佢既黑糖系列。十份芋芋鮮奶好有驚喜選了三分甜，甜度剛剛好。第一感受係好足料，大半杯都係芋圓芋泥。個人好鐘意芋頭味，所以好鐘意佢既芋頭味咁香濃。混合牛奶後飲到有口感，但唔會過濃同膩，芋泥都好細滑，唔會飲到顆粒。小芋圓都唔錯，大小適中，又有咬口，個人覺得黃蕃薯圓個款既味最突出，特別食到蕃薯既甜味，其他款味道唔算好明顯。不經不覺就飲完成杯，比較飽肚。蓋世不知春這款係朋友揀既奶蓋茶，因為走冰，所以奶蓋會下沉得快些。聽朋友講都唔錯，茶味都算香濃，單獨食上層既奶蓋，會有些似乳酪咁酸酸地，但加埋茶飲又會係另一種風味。