珍煮丹 (已結業)

.📍珍煮丹📍#饅頭去荃灣 #饅頭飲手搖 #饅頭食台灣菜店舖已結業，此post為小編嘅回憶。小編雖然唔太偏愛手搖飲品，記憶中幫襯珍煮丹嘅次數只有3次，但除咗飲單足料之外，我依然對員工熱情有禮嘅服務態度印象深刻，佢哋仲會好心提議我揀咩冰度係最好飲，非常貼心💛。------------------------------1️⃣十份芋芋鮮奶 ($36)呢杯手搖外觀色彩繽紛，層次分明，芋圓、芋泥同鮮奶各佔1/3，攞上去超重手，可以話係非常之足料👍🏻。因為嗰陣仲係冬天，小編就嗌咗3分糖同微冰。佢哋嘅鮮奶香滑濃郁，但唔會過膩；芋泥質感細滑🙈，容易同鮮奶混合，但小編個人比較鐘意有少少顆粒感嘅芋泥，雖然佢哋嘅芋頭香偏淡，不過衡量價錢同份量之後發現都唔差，配上鮮自然冇得輪；仲有細粒易啜😆，煙韌有咬口嘅芋圓，層次豐富，飲完一杯已經非常飽肚，CP值頗高。------------------------------◾飲料基底：3.6/5◾配料口感：4.2/5🔸整體評分：7.8/10🔸小編回頭率：7/10

必飲推介！ 中意芋圓嘅你唔可以放過！ 🧏🏻‍♀️✨十分芋芋鮮奶 $36- 少冰- 5分糖 （個人偏好食甜野，所以叫咗5分糖，甜度對於我來講啱啱好）咁多間台灣手搖飲料店，珍煮丹係我最愛嘅Top 3✨ - 用料足- 味道層次豐富店員好貼心- 遞上飲品時，會提醒客人要搖勻d芋泥 先飲- 亦會提醒客人小心後面有一層梯級🙈 so sweet! - 芋泥份量十足! - 芋頭 加 牛奶 （淡淡的芋頭味 加上香滑濃郁嘅牛奶 ）= perfect match! - 芋圓煙煙韌韌，好有咬口! 飲完好飽🤤 滿足滿足！

想做一個淨係講重點既食評以下只會簡單介紹餐廳及其食物重點為求大家可以快速知道 各重點 + 推介指數💪🏻一個為咗食而做運動既人💵主要著重食物既價錢 同 質素 既比例 (CP值)🤤雖然平時雜食 但對食物亦可以抱有絕對要求 💁🏻‍♂️ 意外地比一般茶飲店好飲！💁🏻‍♂️ 芋圓好足料 彈牙有口感💁🏻‍♂️ 芋頭蓉雖然未比得上鮮芋仙 但都勝在足料 滿滿既幸福感💁🏻‍♂️ 雖然都$36 但此水準 仍可接受(5分為滿分)CP值 ⭐️⭐️⭐️⭐️推介指數 🤌🏻🤌🏻🤌🏻🤌🏻小驚喜 但仍然係想像得到嘅味道 可一試十分芋芋鮮奶 ｜ $36

黑糖珍珠鮮奶 $30黑糖珍珠唔錯，黑糖味都幾香甜幾重～珍珠奶茶甜度好彩只叫了五分糖，否則連埋黑糖珍珠成杯就勁甜了～ 奶茶奶味唔重，比較水….飲落是奶mixed水的味道…..🙈或許可能另一款(黑糖珍珠厚鮮奶)會好飲啲掛？！下次試吓先…..🤔另外，收銀店員叔叔態度有善、親切~___________________珍煮丹 (荃灣)荃灣荃興徑10-18號富榮大廈地下3號舖___________________

食飽飯又要去附近搵廢水飲😂其實都淨係得芋乜芋乜打動到我，行左幾間，睇完一輪，決定試下未飲過嘅珍煮丹先！十份芋芋鮮奶($36)杯野係一層一層咁排，最底塞滿左芋圓，芋圓口感好Q彈🤤小小甜，我叫左3️⃣分甜係岩岩好👍🏻芋泥都多嫁同有咬口因為佢無整到好細滑，反而係保留翻有一粒粒咁，等佢食落有口感，唔錯唔錯😆推薦？🟡🟡🟡🟡⚪️芋圓芋泥好食，呢杯廢水係回頭之選👍🏻食完豆腐花可以過嚟緊飲翻杯，正呀喂😎

每次經過荃灣路德圍都會忍唔住買杯台式飲品 😋，今次選擇咗「珍煮丹」，但身為珍珠奶茶控嘅我竟然冇選擇到珍煮丹原本出名嘅 “黑糖珍珠奶茶”🧐，而選擇咗今期新產品 “紅粉芭樂優優”🤤。睇嚟係因為太掛住台灣🤨，見到芭樂呢個台灣國語，幻想自己人在台灣而不禁選擇咗。🥲我記得前排經過舖頭先仲係火龍果 + 荔枝，😙 咁快已經推出新產品，而芭樂就成為咗今期秋季限定。😎紅粉芭樂優優 (HKD 40)顧名思義即係芭樂 + 乳酪，酸酸甜甜嘅，好開胃。實物正如張相一樣，好多層顏色，有粉紅色、白色、黃色，可以講並唔係圖片只供參考。由於有好多層配料，飲用前需要搖勻。😍

✨紫芋仙子✨$36💜🧚‍♀️個底係豆漿🥛豆味幾香濃紫薯蓉夾雜住粒粒芋頭🤩好有咬口配埋我最愛嘅仙草😍口感幾豐富但叫左少甜整體都比較甜🤣✨楊枝甘露 ✨$40🍊🥭呢個完全係同糖水版楊枝甘露一樣😍係飲ge楊枝甘露🤩芒果好足料🥭配埋啖啖紅西柚飲哂成杯都幾飽但好好飲👍🏻

紫芋仙子 $36呢杯飲品個名咁有仙氣係因為由紫薯、芋泥、仙草同百福既豆漿整成 甜度只有正常同七分甜揀 主要既甜味都係黎至豆漿 飲落好香芋頭味 芋泥食落好軟綿 而仙草有咬口得黎又相對低卡 成杯飲品感覺好健康 啱哂口痕既時候飲🥰評分: 9/10🌟楊枝甘露 $40個人黎講係比較鍾意呢杯 好似食緊楊枝甘露咁 不過甜度就相對高啲😆 每一啖都食到芒果肉、紅西柚同西米 層次感好豐富 西米仲好煙韌🤤 而芒果肉同紅西柚又幾新鮮同甜 唔會有苦味 整體黎講都算特別 可以試下😚評分: 8.5/10🌟———————————————————————珍煮丹 (銅鑼灣)銅鑼灣利園山道15號地舖

珍煮丹@路德圍作為一個珍珠奶茶愛好者喺路德圍見到有黑糖珍珠奶茶就梗係忍唔住叫買番杯啦！咁當然唔可以自私飲仲要買埋比我嘅同事啦！一共買咗九杯！黑糖珍珠厚鮮奶（$34）佢哋最出名嘅就係佢哋嘅黑糖炒珍珠！爆虎收黑尚爆拉花！但係佢哋用明治嘅新鮮牛奶！佢哋上面厚厚嘅奶泡層🤤🤤珍珠有咬口彈牙！🧋🧋黑糖仙草鮮奶（$29）仙草滑脫脫嘅啫喱口感！ 加埋明治鮮奶香滑有奶味！仙草真係好消暑食完喉嚨涼涼地！🤤同同事都覺得珍珠奶茶嘅下午茶😋🧋真係大滿足呀⭕️‼️

隔咗一排冇去路德圍，原來連老虎堂都執咗。望咗幾間，諗住珍珠奶茶嚟講，呢間會比較好飲⋯⋯星期日下午去排都預咗要等，天氣又熱，但太耐冇飲珍珠奶茶，決定照等，等咗一陣，排到岀晒汗，佢話冇晒珍珠，要煮就要再等15分鐘，所以其中一杯要轉仙草/布甸，有啲無奈⋯⋯最後攞住兩杯嘢飲走，一杯係鮮奶+仙草，少甜咗都係好甜，仙草好快食晒，而且正常冰嚟講，佢都幾快融晒，杯嘢好快變咗室溫糖水。第二杯叫伯爵奶茶+珍珠，個奶茶飲落好似茶記咖啡味，同珍珠唔係好夾，總括而言就係有啲失望。總結：建議下次去試佢其他飲品會比較好！

❤️#火龍荔枝優優 ❤️（紅火龍果肉 + 荔枝泥 + 希臘式乳酪)一層層配上咁sharp既顏色!💕呢個水果配搭未試過! 紅火龍果同荔枝加埋原味Yogurt，有種特別嘅果香，好smooth ，會咬到一粒粒果籽同極微沙冰感，偏流質唔會好杰。養顏又養眼，飲完唔會有罪惡感🤣。 
💛 #火龍多多雪沙 💛（紅火龍果肉+益力多)😋好中意佢啲雪沙，打磨到好細之餘又保持番啲顆粒感，咬落去唔會刮嘴個種冰。一定要撈埋飲，加埋益力多先最突顯到清香，清新解膩!個人中意呢杯多啲，好解暑❗️✨2杯甜度都岩岩好！nice!

近排聽到一個消息就係許留山執咗 ，忽然懷念起楊枝甘露。該款甜品曾經喺香港紅極一時，咁啱我見到，呢間珍煮丹竟然有呢款甜品。 為咗懷念昔日嘅味道，就決定叫咗一杯嚟飲。 楊枝甘露係40蚊一杯，甜度同冰度都冇得調教。 楊枝甘露由芒果，椰奶，西柚，西米露等等組成。芒果和西柚的分量都算很多 。喺飲嘅時候可以感覺到芒果的酸酸甜甜及椰汁的香甜。西柚咬落去有爆汁的感覺 ，西米露就有煙韌的感覺。整體非常之配合，尤其是今日好熱飲落去非常爽，正。

見到好多人介紹，一直都好想試~結果真係幾鐘意，下次想試下佢既黑糖系列。十份芋芋鮮奶好有驚喜選了三分甜，甜度剛剛好。第一感受係好足料，大半杯都係芋圓芋泥。個人好鐘意芋頭味，所以好鐘意佢既芋頭味咁香濃。混合牛奶後飲到有口感，但唔會過濃同膩，芋泥都好細滑，唔會飲到顆粒。小芋圓都唔錯，大小適中，又有咬口，個人覺得黃蕃薯圓個款既味最突出，特別食到蕃薯既甜味，其他款味道唔算好明顯。不經不覺就飲完成杯，比較飽肚。蓋世不知春這款係朋友揀既奶蓋茶，因為走冰，所以奶蓋會下沉得快些。聽朋友講都唔錯，茶味都算香濃，單獨食上層既奶蓋，會有些似乳酪咁酸酸地，但加埋茶飲又會係另一種風味。

平時行開路德圍，通常都會飲茶匠同Cup of... 🍵今次行過珍煮丹，見明明做緊優惠，但係都冇人排隊（平時條隊真係水蛇春咁長...😱 所以就走咗去試吓，然後一飲就鍾意咗喇🤤—————————————————☕黑糖珍珠厚鮮奶 $34 -$3終於搵到有間好飲嘅黑珍奶🤤 其實之前都過試過其他舖頭，但係始終都唔夠rich😳而珍煮丹嘅黑珍奶真心好rich得嚟，D黑糖味亦都好夠💕以下開放留言，求推薦珍煮丹邊款飲品都值得一試😚—————————————————

珍煮丹嘅黑糖珍珠都幾出名，不過我就未試過，今日嚟到路德圍附近掃街就試下，不過就係試呢個啱晒芋頭控既十份芋芋鮮奶😂😂除咗呢度之外，銅鑼灣同葵廣都有分店，仲係💛💛添！十分芋芋鮮奶見到promo張相有幾層紫色漸層好吸睛😻😻，見到店員整既時候都好有心機慢慢搽啲芋泥上個杯邊，配料好豐富，有芋泥、芋圓同蕃薯圓，我叫咗3分甜，甜度剛好👌🏻，芋泥份量好多，好綿密帶微微芋頭香，仲偶爾食到啲粒粒芋頭增加咬口，芋圓同蕃薯圓都幾QQ，偏軟身同細粒，如果大粒少少咬落會正啲😗人均消費：$35推介指數（10分為滿分）：7.5分