影片
更多
2022-10-19
90 瀏覽
放假喇！今日終於可以帶狗狗嚟呢度食嘢喇！原本喺盛夏時已經好想嚟，因為呢間餐廳容許狗狗同主人一齊喺室內用餐，不過，遇唔啱時機，到而家天氣開始轉涼，總算到此一遊。呢度附近有好多餐廳，各式其色、新新舊舊都有，如果以價錢計，嚟呢度就肯定唔係貪佢抵食。雖然免收加一，但平日午市嚟，食嘢連一杯飲品$162，一啲都唔平。嚟到餐廳時剛好係lunch hour，但餐廳客人唔多（佢本身座位亦有限），唔似其他餐廳咁要等，可直接入座。點咗素素哋全日早餐同蜜糖桂花鮮奶咖啡。素素哋全日早餐盛惠$118。食物唔太特別，有牛角包窩夫、沙律、牛油果、黑松露炒蛋、炸薯寶、大啡菇（唔係好大）同埋芝士焗蕃茄等。因為食物唔係考功夫的製作，所以都好難失手，而佢的味道亦只係不過不失。黑松露炒蛋係gimmick，只係喺普通炒蛋上面放咗一小匙黑松露醬。牛油果雖然睇落唔錯，但唔太軟淋，而且隱約見到有少少發黑位，感覺唔係太新鮮。芝士焗蕃茄呢個配搭都幾令人失望，個蕃茄烤得唔夠耐，冇焦香，仲有少少出水，同芝士結合唔到。蕃茄味淡，芝士味濃，雖然係芝士釀蕃茄，但兩者又好似各顧各咁。由於我出街喺餐廳點素食時，一般都只有素食全日早餐同黑松露雜菌意粉呢兩
呢度附近有好多餐廳，各式其色、新新舊舊都有，如果以價錢計，嚟呢度就肯定唔係貪佢抵食。雖然免收加一，但平日午市嚟，食嘢連一杯飲品$162，一啲都唔平。嚟到餐廳時剛好係lunch hour，但餐廳客人唔多（佢本身座位亦有限），唔似其他餐廳咁要等，可直接入座。
點咗素素哋全日早餐同蜜糖桂花鮮奶咖啡。
素素哋全日早餐盛惠$118。食物唔太特別，有牛角包窩夫、沙律、牛油果、黑松露炒蛋、炸薯寶、大啡菇（唔係好大）同埋芝士焗蕃茄等。因為食物唔係考功夫的製作，所以都好難失手，而佢的味道亦只係不過不失。黑松露炒蛋係gimmick，只係喺普通炒蛋上面放咗一小匙黑松露醬。牛油果雖然睇落唔錯，但唔太軟淋，而且隱約見到有少少發黑位，感覺唔係太新鮮。芝士焗蕃茄呢個配搭都幾令人失望，個蕃茄烤得唔夠耐，冇焦香，仲有少少出水，同芝士結合唔到。蕃茄味淡，芝士味濃，雖然係芝士釀蕃茄，但兩者又好似各顧各咁。由於我出街喺餐廳點素食時，一般都只有素食全日早餐同黑松露雜菌意粉呢兩個選擇，所以我都算食過唔少素食全日早餐，而呢度的素素哋早餐我覺得只係合格，性價比唔高。
天氣轉涼，見到餐牌上有蜜糖桂花鮮奶咖啡，覺得幾特別，而且佢好夾而家的天氣，好滋潤咁，所以就點咗呢款飲品（$44）。上檯時覺得咖啡好靚，除咗拉花外，仲伴有少少桂花碎，賣相好吸引。咖啡飲落有淡淡桂花味，配合蜜糖的天然甜味，好適合秋冬。咖啡夠濃，所以飲品係溫和得嚟又提神，好喜歡
餐廳雖然歡迎寵物，但就冇乜特別配套（如寵物餐牌或食水），亦唔覺得職員特別喜歡狗狗（呢點同其他pet-friendly的餐廳都幾唔同）。不過，餐廳願意俾主人帶狗狗入內用餐，都已經好抵讚~~ 我推薦狗主同狗狗可以嚟呢度飲杯嘢，如果係「為食」的狗主，我覺得同區的Proton喺餐食方面會出色啲。
張貼
