My Ahjussi (已結業)

餐廳除咗地道既韓國野食外，最近仲新增左不少西餐菜式適合素食者選擇。-二人套餐 ($368)，套餐包括一款小食，一款飯或麵類，一款主食，仲有兩份甜品同野飲添。每一個種類入面都有包含素食選擇，配合唔同人既需要。炸餐肉條配薯條呢個小食份量睇落唔算好多，但食落會覺得足夠。餐肉條岩岩炸起好好食，外脆內軟，點埋沙律醬有減少左油膩既感覺。黑松露本菇野菌忌廉汁意粉 (素食)一上台已經充滿左濃濃既黑松露香味，睇落亦都唔會太乾身。意粉食落會有濃郁既黑松露同忌廉味，份量控制得好好，食落唔會令人覺得太漏。醬燒牛仔骨配自家制薯粒沙律 (+$30)牛仔骨既份量都算多，食落入味不特止，仲唔會韌。而自家製薯粒會配上沙律汁，食落清甜有口感，中和左肉類既油香。當日甜品荔枝椰汁凍(素食)同培茶蛋糕。兩個甜品睇落十分精緻同份量岩岩好，食落唔會好甜，岩曬喜歡少甜人士既口味。飲品IPA 是L但IPA系一杯酒精飲品，飲落有強烈既果味，酒精濃度唔會太高，過後仲有回甘味添。百香果綠茶屬於少甜既果茶，飲落好清新又唔會好酸，值得一試。