和匠日式燒肉店

營業中

休息中

今晚同朋友黎佐佐敦呢間和匠。店員強烈推薦厚切美國prime 牛小排($188)，咁就一於試下啦！一上枱就已經見到牛小排油花紋好多，而且分佈平均，賣相非常吸引。店員先示範燒一次，原來要等血水出先翻去另一面，咁樣肉汁就唔會流失，果然，呢塊牛小排好juicy，肉味好出，好正！完全不用蘸醬汁～見到隔離枱有顧客燒緊虎蝦，超大隻，問一問店員，原來係用佐緬甸嘅特大虎蝦！價錢$130一隻，又合理喎，就豪氣地點佐2隻。店員幫我地燒虎蝦，燒佐約10分鐘，終於食得。蝦膏唔多，但蝦肉好彈牙，而且鮮味十足，食得出好新鮮。因為想飽肚d，所以最好都係叫個飯。朋友見到海膽炒飯($108)即刻發光，咁就叫佐一客。都有少少失望，海膽只有面頭嗰一小片，而且海膽味唔係好突出，所以撈勻之後食係完全唔知係海膽炒飯，不過值得一讚嘅係飯粒分明，炒得夠乾身，飯嘅份量都多，的確係飽到肚。整體而言，黎和匠一定一定要燒牛肉，但同時虎蝦都好抵食，如果budget多d，可以燒多d唔使叫飯。