洋食商店 (喜遇)

長沙灣喜遇嘅洋食商店，裝修好有日式風格，勁多打卡位，幾次嚟都見到好多食客，證明咗佢嘅人氣。

3

壽喜燒係王牌之一，店員會響你面前煮，好有儀式感。優質嘅食材，加上熟練嘅烹調技巧，令到M9和牛西冷同頂級牛頸脊，肉質滑溜，牛肉味道濃郁，配上蛋汁，簡直無可挑剔。

套餐嘅小食都好值得一試！清酒煮蜆好鮮美，蜆肉肥美，湯頭更係一絕。

燒原隻魷魚燒得啱啱好，咬落去彈牙又唔韌，口感好正。

大推嘅係佢哋嘅燉飯，每粒飯都吸收晒所有靚牛同蔬菜嘅精華，軟糯好味道，食完好飽好滿足。

呢個壽喜燒套餐唔單止好味，仲係一個可以同朋友分享嘅美食，如果你鍾意壽喜燒，一定要來試下呢間店！