七喜粥麵小廚

營業中

休息中

01/11 （Tue）Dinner同朋友去紅磡睇家俬後到七喜醫肚，叫0左…白灼花螺﹣鮮甜加爽口到不得了！食0左裡面舊肉仲要飲埋d水先安落！白灼鵝腸柏葉﹣又係爽口到暈~可能先食白灼螺0既關係，鵝腸柏葉立刻瞬息0左。北菰雙雞粥﹣開頭以為係兩種雞〔雞+雞〕，碗粥拎到埋0黎先知係「雞」同「田雞」…覺得自己好A呀！！講返味道，亦都係鮮甜到非常！但唔同花螺0既鮮甜；總之大家無搶大家風頭。滑蛋牛粥﹣香滑，但可能叫得太多鮮味0野，lee碗粥真係輸左九條街咁多。再提返！雙雞粥個份量都係打雙0黎，兩個女仔夾份食一碗（好明顯，我地又瀨0左0野，食唔晒d粥…）埋單$130，唔可以話係平，但真係物有所值。