57
16
3
所有分店 (6)
電話號碼
27149658
營業時間
今日營業
09:00 - 02:00
星期一至日
09:00 - 02:00
付款方式
現金
其他資料
深夜營業
食評 (83)
兄弟團年,簡單的一餐宵夜,團年飯必定要食,意思意思加點意義,兄弟辛苦左成年,多謝幫忙😘講返食物:七喜老闆又係好朋友,咁啱又有老友在,遠D都要去:呢間鯪魚球即炸、魚肉不會死實或加太多水,手勢做得剛好加上蜆芥加上啤酒🍻豉油皇鵝腸~鵝腸急凍的,明白做生意,豉油做得夠濃配上急凍鵝腸椒鹽鮮鮮魷都不錯~粉不太厚、椒鹽味野味~鮮魷都算新鮮,海鮮粥就淡左少少,不景個個都係飲酒客,下次有機會再來坐門口的開心風味老細仲收平左我,謝謝 繼續閱讀
(以上食評乃用戶個人意見 , 並不代表OpenRice之觀點。)
等級3 2019-12-31
332 瀏覽
今日去開土瓜灣,就諗起食依間七喜粥麵小廚啦雖然好多間分店,但係呢一間係最好食嘅 真係細細個就食到佢大喇咁啱去到下午茶時間😁 叫咗個生滾魚腩粥配呢個酥炸鯪魚球,都係$46蚊炸佢個粥,係即刻滾畀你㗎所以你要等一等嗱,碗粥熱辣辣好棉,個魚腩好滑呀啲粥炸鯪魚球你都要等一等喎, 因為都係即叫即炸嘅,上菜時熱辣辣,皮脆內軟,唔點蜆蚧汁,都好夠味好好味呀下次再來食個,有水準嘅下午茶先#姐姐服務態度好好#廚師真心,有心機滾個粥比你食架 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-14
462 瀏覽
浙江街果間七喜, 一來服務唔多掂, 二來冷氣又唔夠, 想食河粉唯有轉去江蘇街七喜.雖然同一個老板娘, 江蘇街D侍應服務好得多, 唔通同佢風水擺位錯咗有關?今次重見到一向坐鎮淅江街嘅老板娘過黎幫手添.點咗淨魚蛋, 水餃河, 蠔油介蘭, 豬潤肉丸粥.淨魚蛋 : 魚蛋本身已經調咗味, 味道略為重咗少少, 口感彈牙但相比起旺角奶路臣街榮園嘅魚蛋就遜色咗D.水餃河 : 三粒水餃每粒都份量不少, 內藏原隻彈牙大蝦, 再加上幼滑窄身河粉係賣飛佛, 湯底清甜, 滿意.蠔油介蘭 : 近期食過幾次蠔油介蘭都係唔夠冧, 今次終於食到冧嘅芥蘭, 蠔油親自由老板娘添加, 無因為輕手而減少份量, 讚!豬潤肉丸粥 : 我只係食咗兩三啖粥,雖然粥未至於掛哂碗, 感覺水咗D, 但味道適中. 望望個餐牌,南乳吊燒雞只賣90蚊,早兩日去隔離街鎰灃食南乳吊燒雞,110蚊!食貴咗添呀! ~~>_<~~ 繼續閱讀
(以上食評乃用戶個人意見 , 並不代表OpenRice之觀點。)
等級2 2019-04-21
766 瀏覽
正所謂一個價錢,食到你飽,因為呢間係白飯任裝的!我同同事,分別叫了一個鵝腸豬腰米,同一個午市客飯,有芽帶魚,油菜,例湯,茶同白飯就係自助既,食幾多裝幾多,茶水自己來!鵝腸豬腰米,真係好爽,唔係好多人識欣賞豬腰,所以唔係好多地方有得食,豬腰好爽無屎味,厚厚的,口感非常好,鵝腸洗得好乾淨,有層肥膏在內,所以食落好甘香,正呀!而且分量十足,唔會食到,到喉唔到肺!輪到午市套餐,個例湯雖然買相一般,但就出奇地鮮甜,佢係用啲雞骨,豬骨,魚骨加黃豆同苦瓜煲的,個味其實好夾,唔係飲完覺好喝!個芽帶魚炸得好脆,但魚肉好滑,有魚味!真心ok!油菜有好多款菜選擇!仲可以揀腐乳,蠔油同腩汁!勁多配搭!最重要係超多分量,食到你飽! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-04-19
615 瀏覽
這兩星期工作忙碌到暈,忙到做了無飯主婦😉難得忙了偷閒,又來高山劇場看節目。每次來高山劇場,少不免都會搵食,昨晚下雨🌂,泊好車,漫步走著走著,不想亂走,又學人search open rice 附近美食,選了七喜粥麵小廚,看頭幾個食評都不錯。全都是圓形疊凳,坐下不是很舒服,無所謂啦!街坊小店,有大概七張圓形餐桌,看似很多熟客,因為都與伙計有說有笑!看看牆身貼滿食物介紹,根本不用看餐牌,然後左看看、右看看,看到右邊枱面有果皮蒸泥蟒,左邊餐台面有菜心炒蝦球,豬手米粉,就點這三個吧!先來豬手米粉,不過不失啦!兩件豬手,正常味精湯!豬手有南乳味道都不錯!然後兩個小菜同時到,蒸泥蟒很好,火路剛剛好,魚肉很嫩滑,果皮香!$88 都算抵食!另外,菜心炒蝦球,蝦球大、有蝦味,但菜心完全失望,竟然有點鹼水味,相信是經過煮麵水先滾過才放鍋炒,很不喜歡這種懶惰煮法!菜心淋巴巴,口感噁心!坐得不太舒服,匆匆吃完埋單 $209, 街坊小菜,不貴!整體及格,但真不喜歡那個所謂炒菜心,鹼水味,又淋巴巴, 扣很多分 !! 繼續閱讀
(以上食評乃用戶個人意見 , 並不代表OpenRice之觀點。)