樂酒場 がくさかば

成日想喺尖沙咀區域搵好嘢食，估唔到遠在天邊，近在眼前，喺K11藝術館附近就有一間極具日式風情嘅居酒屋。餐廳嘅裝修極具心思，上咗餐廳嘅樓梯之後就好似置身日本嘅居酒屋一樣。而且，居酒屋有榻榻米座位，令整個氣氛都充滿日式風情。除咗餐廳氣氛之外，餐廳嘅食物質素都好高。日式刺身切得非常厚身，而且新鮮。亦都有特色嘅食物，就係從來冇喺其他餐廳食過嘅牛油果生葵漬。牛油果非常軟滑，配上醋漬，口味清新。而且牛油果上面有少少山葵醬，令整個層次提升到非常豐富。大家嚟到都一定要試一試啊。串燒方面，點了豚肉串同埋牛舌芯串，串燒係居酒屋你一定要點嘅菜式，送酒一流！另一個不得不點嘅菜式就係甲羅燒。甲羅燒內嘅蟹膏非常之多，有別於外邊其他餐廳配上脆米餅，呢間居酒屋就係配薄餅，但配搭同樣出色。仲有，另一個餐廳特色嘅食物，就係三文魚層層叠。顧名思義就係將三文魚層層疊上，配以明太子醬汁，令人難以抗拒。店員會即場幫你用火槍烤三文魚同醬汁嘅表面，令到味道更加香濃。再加上滿滿嘅蟹籽同埋蔥，口感一流😋明太子蛋捲，蛋味香濃，明太子醬唔會過鹹，同蛋嘅香味非常之配合。最後，再加多個特色關東煮，關東煮嘅造型非常之特別，有一條長長嘅蘿蔔放於關東