大瀛喜日本料理 (已結業)

本人係極好放題，差唔多一星期食一次放題，星期六晚，同朋友行完街，突然心癮起，就到左附近新開張既大瀛喜食，上左商場大概重要行一段路先到達，有少少唔方便，不過好彩指示充足，搵路好easy一入到去，成個場好大，光線調暗左，比人感覺好舒服，唯一美中不足係啲枱較細，放既食物唔多，所以各位巴打絲打要醒醒定定，一次過落勁多野食實冇位放的。而我呢個放題達人當然識做，一開始order刺身，好足料，好新鮮，而且種類都好多，一次過落左好多，佢都會比足哂，抵讚！之後壽司卷物果啲都ok..幾特別就唔多講，熟食方面就大把選擇，例如魷魚酥，卡幫尼年糕個煮法好特別，好好味牛柳粒好爽口，我同朋友都encore 牛乳海鮮鍋 個湯底好濃郁，料亦都好多，有青口，魷魚等等。蜜汁雞翼，好入味，朋友大讚！炸口既一口芝士好特別，成粒真係cheese咁，不過食得多一定好熱氣。。。最後甜品，選擇勁多，真係成張紙咁任你揀，我地點左奶凍同焦糖敦蛋，好味，其實重有其他都好想再叫，可惜太飽啦。呢間真係唔錯既選擇，服務又幾好下次會再幫襯！