影片
更多
2021-11-07
69 瀏覽
鍋霸吃到飽台式養生火鍋 (佐敦).自從之前食過另外一間任食無限時嘅台式火鍋之後就念念不忘，今次揀咗星期六晏晝嚟食，前一日仲要咁啱飲咗酒，第二日食邊爐覺得好好食😋.▪️$398任食套餐▪️.去到先揀湯底，鴛鴦鍋加$48，想食鴨血就梗係要揀番個麻辣鍋。呢到竟然有個麻辣蕃茄鍋，有雞豬或者牛揀。揀咗麻辣番茄牛肉鍋，另一半揀咗之前食過嘅養生蟲草花桃膠雞鍋，呢個湯底係越煲越好食😋.每枱本身都包個小食，就係店鋪招牌鹹蛋黃炸魚皮。落左湯底後就有QR code任點食物，叫個手拍青瓜食下點知好好食，最後成餐飯encore左三碟。呢個到嘅安格斯牛頸脊都勁好食！ 任食真係唔係好多餐廳會比高質食材，但呢個牛入口腍身又有牛香，帆立貝又係大大粒勁好食個裙邊好有咬口🥰.呢到嘅丸類都好高質，貢丸彈牙充滿菇香；另外仲有爆芝牛丸，熱辣辣爆出芝士同埋仲可以拉絲😛除咗呢啲出面買嘅丸，佢仲有手工丸，我哋叫咗手工牛肉丸同埋手工墨魚丸，勁的骰，四小粒放埋一小碟，個墨魚丸細粒得來有咬口而且勁香墨魚味！.飲品方面，依家出面嘅台式火鍋餐廳好多都會有自家製嘅飲品，通常都有好多係冷泡茶，呢度除咗有冷泡茶同埋冬瓜茶，冷泡四季春，桂花烏龍等，呢度仲有
.
自從之前食過另外一間任食無限時嘅台式火鍋之後就念念不忘，今次揀咗星期六晏晝嚟食，前一日仲要咁啱飲咗酒，第二日食邊爐覺得好好食😋
.
▪️$398任食套餐▪️
.
去到先揀湯底，鴛鴦鍋加$48，想食鴨血就梗係要揀番個麻辣鍋。
呢到竟然有個麻辣蕃茄鍋，有雞豬或者牛揀。揀咗麻辣番茄牛肉鍋，另一半揀咗之前食過嘅養生蟲草花桃膠雞鍋，呢個湯底係越煲越好食😋
.
每枱本身都包個小食，就係店鋪招牌鹹蛋黃炸魚皮。落左湯底後就有QR code任點食物，
叫個手拍青瓜食下點知好好食，最後成餐飯encore左三碟。
呢個到嘅安格斯牛頸脊都勁好食！ 任食真係唔係好多餐廳會比高質食材，但呢個牛入口腍身又有牛香，
帆立貝又係大大粒勁好食個裙邊好有咬口🥰.
呢到嘅丸類都好高質，貢丸彈牙充滿菇香；另外仲有爆芝牛丸，熱辣辣爆出芝士同埋仲可以拉絲😛
除咗呢啲出面買嘅丸，佢仲有手工丸，我哋叫咗手工牛肉丸同埋手工墨魚丸，勁的骰，四小粒放埋一小碟，個墨魚丸細粒得來有咬口而且勁香墨魚味！
.
飲品方面，依家出面嘅台式火鍋餐廳好多都會有自家製嘅飲品，通常都有好多係冷泡茶，呢度除咗有冷泡茶同埋冬瓜茶，冷泡四季春，桂花烏龍等，呢度仲有一個架係放常溫嘅飲品同埋會有熱飲櫃，入邊有熱嘅紙包茶，維他奶等等，雖然話打邊爐熱辣辣你未必會想飲熱野，不過係食完之後我飲咗一包熱烏龍茶解膩!!
.
甜品環節，呢度有好多雪糕杯選擇，Movenpick 以及Häägen dies雪糕杯，每人限食一杯，但係當然已經好夠啦！😂
.
📌 鍋霸吃到飽台式養生火鍋 (佐敦)
佐敦彌敦道219號莊士倫敦廣場6樓
環境：⭐️⭐️⭐️⭐️⭐️
味道：⭐️⭐️⭐️⭐️⭐️
服務：⭐️⭐️⭐️⭐️⭐️
價錢：⭐️⭐️⭐️⭐️
張貼
