絆 (已結業)

午飯時間去開尖東拎嘢，尖沙咀地膽介紹新開冇耐嘅”絆”樓上日式居酒屋🏮，餐廳地點喺近尖東嘅漆咸道南，裝潢有家的感覺，座位開揚濶落，設有大平台同日式塌塌米包房，原來仲可以唱K架 ！疫情後真係要一班人再黎！午餐價錢$68-$98！相當親民，而且選擇都幾多！午餐仲有跟左魚湯同沙律🥗性價比好高！🍣 四色魚生丼 $88四色魚生丼包括油甘魚、鰈魚、三文魚同蟹籽四種，滿滿嘅蟹籽同魚生相堂吸晴！魚生新鮮，大大片油甘魚清甜，厚切三文魚油脂甘香，炙燒左口魚帶點焦香味更添美味！配埋蟹籽卜卜脆爽口，加埋微酸嘅飯一齊食胃口大開！飯量仲好足！🍣 壽司8貫 $98 (跟烏冬)壽司8貫包括三文魚，三文魚腩，鰻魚、玉子、鰈魚、蟹籽、油甘魚、時令及烏冬！有齊人人都鐘意嘅甜甜玉子，汁燒鰻魚等，每款都好味，三文魚同三文魚腩唔算厚切但油脂一樣甘香，薄薄嘅油甘魚夠清甜，跟餐烏冬都唔馬虎有跟海帶同埋分量同樣足！