喜茶 (已結業)

喜茶開舖喺香港，難得唔使特登上深圳去朝聖，作為喜茶粉絲嘅我當然要即刻去排隊試吓！今次試咗芝芝梅果同金茶王奶蓋!喜茶出咗名個奶蓋十分出色，有奶味唔係淨係得個甜字，testure 適中，當然今次試嘅呢個芝芝梅果都係一樣10分出色！再加上草莓沙冰令到成件事一啲都唔飽，越飲越想飲，好想追！金茶王加奶蓋就相對比較飽肚，始終係奶茶加奶蓋，成件事有啲邪惡(˶‾᷄ ⁻̫ ‾᷅˵)但佢嘅奶茶不失茶味，保留到金茶王嗰種甘香！所以每次都忍唔住要嗌一杯飲！只可惜喺香港開舖實在太多人排隊，一共等左三個鐘先至買到，真係有啲辛苦，可以考慮遲啲，等熱潮過左先至去試都未遲！