忠誠茶座泰國菜

營業中

休息中

家人生日，去大尾督行吓順便食埋飯慶生。Book咗六點，限時食105分鐘。一人揀咗一個餸，都幾多選擇。椰汁炒西蘭花 - 以為好普通，點知椰汁咪好重，成碟菜upgrade哂！生菜包 - 啲肉碎好辣，加返塊蕃茄中和返個辣味。係炒得幾香嘅！青咖哩豬肉 - 甜嘅咖哩，識食一定撈埋煎薄餅一齊食。煎薄餅賣相好靚，又夠脆。菠蘿炒飯 - 啱哂小朋友食，好足料。炒金邊粉 - 好夠鑊氣，酸酸甜甜，開胃。冬蔭功湯 - 夠哂酸辣炸蝦餅 - 剛剛炸起，好脆，蝦肉又彈牙。海南雞 - 好滑身，一定要點個醬，精髓！好啱一家大細同一大班人食，可以試多啲款。