阿來泰式地道風味

營業中

休息中

好耐冇食過泰菜，今日同朋友喺旺角行街就即興去咗附近一間泰菜餐廳。循例次次食泰菜都會叫金邊粉，呢個泰式鮮蝦炒金邊粉都只係$58, 價錢嚟講OK。個造型都幾搞笑，有枝葱係頂。見到啲鮮蝦特意放喺面頭花生碎個金邊粉炒得幾好食，入面嘅配料好似係芽菜、蔥、豆腐乾、蛋碎等都好豐富，令到食個炒粉嘅時候唔會淨係食到粉嘅感覺。調味都合適。炒菜嘅種類都好多我哋叫咗馬拉盞炒通菜$68炒得好入味，又唔會好油膩，食食吓間中會食到啲馬拉盞碎。串燒沙嗲 (雞肉、豬肉各半)個沙嗲醬好惹味，d肉唔係薄薄一片，全部都啖啖肉好有質感。整體嚟講性價比都高嘅，兩個人都唔係好食得哂。