板神鉄板燒日本料理 (信和廣場)

營業中

休息中

午餐時段去，一早訂左位，試左個海鮮餐，送埋龍蝦，叫住佢燒真係好正，師傅係日本人，服務都好好，仲同我地講解俾我地影相再煮，樣樣既擺碟都幾精緻，唯獨龍蝦燒得耐左小小，如果肉質再淋反小小就perfect，但佢個龍蝦膏同汁做醬淋係上個係無得輸。其他海鮮，鮑魚和貝類既都好食，質感岩岩好唔會”un”, 而牛肉既肉味都可以既，但嚴未夠重，同埋若可以落多少少蔥就再好啲。麵豉湯好有驚喜，有埋龍蝦肉，成個湯蝦味極濃，好正！炒飯都好香，飯粒粒分明加埋小小肉同蛋香，唔會好滯。最邪惡是煎香麵包再落糖，但真係好脆好好食，而甜品選擇了紫薯蛋糕，蛋糕很綿滑，入面亦有真的紫薯茸，成餐飯好滿足。