稻八日式火鍋炸物放題 (已結業)

又係食團年飯時候，家姐指定要黎呢度食，平靚正同埋唔洗同人迫食得舒服。呢間上樓火鍋店果然夠大間，入門先到好多牌吊係度，仿如係日本櫻花季一樣，裝修別緻。7點半到埗，全場爆滿，好熱鬧。醬料選擇多。蔬菜排得整齊，切到好大舊，唔洗行幾轉。菜類非常新鮮。我地揀左壽喜燒甜醬油，清清地可以食到食材最原味。238放題，安格斯小牛排，賣相靚，肉質鮮嫩味重，豚肉肥美，牛粒相比片裝牛更重牛味，煲耐左更有口感更好味，牛白肉爽口，出面少見，感覺似食緊煮淋左既軟骨。牛小排，煮完好靚，分佈平均，好食。刺身好新鮮，差唔多食晒先記得未影相，索性收起電話好好享受呢餐美味放題同家人相眾一刻。有個炸物機，貼左幾張紙教點整，需時幾耐，我媽地獄廚神都炸到好有成功感，哈哈哈哈。野飲有幾個大雪櫃，款式多，打邊爐最緊要飲可樂呀忌廉呀全部有齊。雪糕類有2老講不停故事既孖條，雪糕3文治同埋獨立粒裝雪糕糯米磁。個個食到滿肚腸肥好滿足，渡過一個開心又愉快的晚上。