茶理史 (已結業)

好鐘意食珍珠啊芋圓啊呢啲煙煙unun既野見到網上介紹用芋圓代替珍珠咁新穎 即刻黎試下間舖係厚褔街最入轉左 但都不乏前來潮聖既人群 離遠已經望到有人係門口燒麻薯 但係唔太吸引到我 感覺上食落去似係燒年糕加啲煉奶。最後我地只係買左兩杯芋圓鮮乳。芋頭同草莓個色勁靚 係漸變色架。好鐘意佢個logo, 佩服佢可以將三個咁多筆劃既英文字整到做一個logo。兩款都食到原粒香蕉/芋頭，個奶正常唔會太甜。但個人唔中意啜到芋頭碎既感覺，太粉，相反香蕉啜到既係真係蓉，感覺好啲，同埋就算係香蕉奶，d芋圓咬落芋頭味都好濃，唔會唔夾。整體黎講我會揀香蕉鮮乳芋圓。下次想試下熱飲會係點，始終都冬天。不得不讚呢間飲品舖既marketing做得幾好。佢既賣點有別於其他舖，終於都唔再係一大堆珍奶係到鬥，用芋圓代替珍珠好有新意，雖然都仲有賣奶茶，但堅決唔用珍珠，而係用白玉/芋圓/雲頂（佢英文係white foam)/腐竹，好有自己特色，接受程度亦好高。成個brand image（店舖招牌/飲品名稱）亦好古色古香。最緊要係我試完一次仲會有下次，好想試堆佢其他野，亦會好記得佢個名。仲會記得我等呢兩杯野等左15分鐘以上😫（星期六晚