Pivo Czech Bar (已結業)

今晚見返啲好耐冇見嘅朋友，佢哋提議食得特別啲，結果嚟咗Elements食捷克菜。人生第一次食捷克菜，感覺原來同西班牙菜都好類似。唔知正宗嘅捷克菜係咪都係食類似嘅餸菜呢？頭盤首先嚟個好特別嘅海鮮包，要預先搖晃，將海鮮汁均勻分佈在每一件海鮮及配菜上。內容包括：阿拉斯加蟹腳、鮑魚、帶子、粟米、薯仔，非常豐富。然後叫咗個捷克特色烤豬手，本身好鍾意食豬手嘅我，當然唔會放過試吓啦！隻豬手好腍，好入味，特別鍾意喺底下嘅紅菜頭，甜甜酸酸，中和返豬手嘅油膩感。不過佢個豬手皮就唔夠趣，可能我都係比較鍾意食德國豬手嘅做法多啲。特別欣賞個海鮮炒飯，有辣肉腸、帶子、紅椒同黃椒，整個炒飯是非常的惹味。甜品方面，有一個叫Mascarpone，係軟芝士、士多啤梨、鹽膚木果粉、蜂巢糖脆，配搭非常特別，食落比想像中輕盈，軟芝士嘅味道唔會好羶，配合新鮮生果，竟然有一種清新嘅感覺，充滿驚喜。總體來講，呢個晚餐好有特色，喺第二度食唔到。