影片
更多
2024-03-06
50 瀏覽
今日同朋友想搵辣嘢食。去咗銅鑼灣京都商業中心6樓嘅川滿居。餐廳行中式風格，有差不多一半嘅位置都係卡座。環境光猛舒適。我哋兩個人叫左以下菜式。水煮魚（$188）：呢個係例牌嘅size，佢仲有一個大size嘅。但呢個例牌已經有好多片魚片。魚片新鮮滑溜，一啲都唔腥。下面有大量薯粉芽菜同蔬菜。薯粉口感煙煙韌韌，配水煮魚嘅湯汁一齊食，好夾。孜然肉片（$98）：孜然肉片同洋蔥一齊炒，炒出嚟好有鑊氣好惹味。而且呢個菜式配六張嬤嬤皮，軟熟嘅嬤嬤皮包住入味嘅孜然肉片，又可以中和返個味道。籐香雞（$66）：呢個係冷盤。籐椒嘅味道柔和咁滲入雞入邊。因為我哋之前嗰兩個餸都係比較重味，所以食返呢個冇咁濃味嘅反而可以平衡返。凍檸茶（$18）：朋友話茶味香濃。百香果檸檬茶（$36）：我就點咗呢個飲品。貪百香果酸酸maymay. 同埋原來佢個檸檬係青檸加檸檬，飲到兩款檸檬唔同嘅香味。好解膩。佢啲菜式份量其實都好大，我哋兩個人食到捧住個肚走。好滿足。
餐廳行中式風格，有差不多一半嘅位置都係卡座。環境光猛舒適。
我哋兩個人叫左以下菜式。
水煮魚（$188）：呢個係例牌嘅size，佢仲有一個大size嘅。但呢個例牌已經有好多片魚片。魚片新鮮滑溜，一啲都唔腥。下面有大量薯粉芽菜同蔬菜。薯粉口感煙煙韌韌，配水煮魚嘅湯汁一齊食，好夾。
孜然肉片（$98）：孜然肉片同洋蔥一齊炒，炒出嚟好有鑊氣好惹味。而且呢個菜式配六張嬤嬤皮，軟熟嘅嬤嬤皮包住入味嘅孜然肉片，又可以中和返個味道。
籐香雞（$66）：呢個係冷盤。籐椒嘅味道柔和咁滲入雞入邊。因為我哋之前嗰兩個餸都係比較重味，所以食返呢個冇咁濃味嘅反而可以平衡返。
凍檸茶（$18）：朋友話茶味香濃。
百香果檸檬茶（$36）：我就點咗呢個飲品。貪百香果酸酸maymay. 同埋原來佢個檸檬係青檸加檸檬，飲到兩款檸檬唔同嘅香味。好解膩。
佢啲菜式份量其實都好大，我哋兩個人食到捧住個肚走。好滿足。
張貼
