澳門金隆雲南米綫 (已結業)

男朋友以為佢執左，原來之前係因為裝修所以無開。裝修左餐廳非常乾淨，舒服好坐。略嫌佢冷氣唔夠，有啲焗促。同男朋友各自嗌左招牌撈米線，佢嗌左凍奶茶。哩度凍奶茶比一般嘅濃味，非常特別，好值得一試！重點來了，我嗌左魚蛋獅子狗撈米線，2款餸都好彈牙，尤其是魚蛋，係炸左外面，好香口好好味。米線本身有炸醬，少許辣香，配上酸菜，有酸辣嘅味道，味道一試難忘。男朋友就叫左豬耳肥牛撈米線，米線撈埋肥牛，味道一流，特別香口。加上米線煮得剛剛好，好煙韌，值得再去食！唯獨覺得價錢可以平啲，一人一碗2餸米線各自都係$45，覺得米線份量可以多啲就好了！