餐廳規矩係每人要點一個$138嘅套餐，包括3塊漢堡扒、無限白飯、麵豉湯同一隻京都產嘅雞蛋。店員好細心咁介紹調味料，感覺幾貼心。
白飯用秋田縣嘅水晶米，煙韌彈牙，麵豉湯味濃但唔鹹，配蘿蔔腍腍，飲完一啖即暖晒。
第一塊漢堡扒原味試食，炭烤香濃，內裡Juicy但唔油膩。
配青唐辛子檸檬醬，食落清新有檸檬餘韻，幾有趣。
豆拌醬油搭配第二嚿，鹹香味道突出。
柚子蘿蔔泥雖清香，但稍為遮蓋肉味。
1
最後一塊漢堡扒我用生蛋黃撈飯，Creamy得嚟又煙韌，非常滿足。
總體嚟講，呢餐飯性價比高，味道層次豐富，值得一試！
