挽肉と米

營業中

休息中

終於扚起心肝1星期前嘅早上10:00上網訂位，一早預備好姓名、電話、電郵、信用咭資料。但過程都唔係太順利，原先揀左理想嘅時間7:15pm，但入完信用咭就彈出畫面所選時段已經無位，再重新揀左8:00pm，又再重入一次資料，終於成功。睇返訂位網，大概10分鐘時間，即係大約10:10am，較理想嘅午飯同晚飯時間都已經full左，所以大家預約記得要把握時間。餐廳位置對於唔熟悉IFC嘅我真係有d難度，因為搵唔到指示點樣上天台平台，用埋google map由中環碼頭到餐廳，用左廿幾分鐘。提醒同我一樣唔熟悉IFC嘅食客記住預留時間到達，因為餐廳只留枱10分鐘，遲過10分鐘會當no show，cancel 。到達餐廳，門口都仍有人等walk-in入餐廳，到我地離座時都見到有大約3對couple 可成功入座。我地入到餐廳根據店員指示先向左，行到自助點餐機，自選食物、飲品及付款，然後先正式入座，開始朝聖之旅。吧枱設計讓你可以清楚看到烤漢堡扒嘅過程，亦方便與店員溝通、要打卡亦容易；但係坐就唔算太舒適，建議輕裝嚟食，因為無咩位可以擺手袋，大褸亦只能掛喺餐廳側邊嘅衣帽架。店員服務非常好，會先講解雞蛋、水嘅自助位

日本過江龍挽肉と米唔經唔覺又開左第二間分店，初步相信多左間應該冇之前咁爆場，趁假日即約了友人膽粗粗冇預約挑機中環分店，早點大約11:50去到，等左半個鐘到有位，同預計時間差唔多。先付款後入坐。設有衣櫃掛外套，防止弄污及吸味。餐廳係玻璃屋設計，樓底高，落地玻璃引入自然光線感覺舒適，裝潢以木系為主，圍爐座位，環形吧台設計，中心位置是炭火烤爐，可看到廚師即場烤肉，新鮮現烤，再迅速送到每台客人的烤架上，務求即時送上最新鮮的美食給客人享用，呢個格局都真係幾有心思。自助檸檬水位置。自助雞蛋位置，每位一隻。座位的櫃內有餐具、配料介紹及食用方法說明。枱底有個鈎個掛袋，前方烤架兩旁為自家製配料。(入坐後店員會略略介紹下嘅。）挽肉と米套餐，$148，有3件漢堡扒+白飯+ 味噌湯。第一件，原汁原味。100%日本牛肉的現烤漢堡扒，不加任何調味料直接食，漢堡扒多肉汁有肉香，外層有炭燒焦香味，好juicy又美味。米飯選用秋田縣秋田小町米，煙韌香軟帶黏性，漢堡扒送飯食，米飯吸收其肉汁更美味。第二件，配以蘿蔔泥和自家製柚子醋。蘿蔔泥鋪在漢堡扒上再淋上柚子醋，清爽的蘿蔔泥配合柚子香氣更增添食慾。添飯。第三件，生蛋拌飯。

之前喺日本澀谷千山萬水食過，之後知道喺香港開左一直都好想試下係咪同日本一樣。點知朋友請食lunch生日飯就book左呢間。知道依家開左一段時間上網訂位仍然非常難訂，所以大家真係要俾心機。一黎到都係同日本一樣喺門口揀好俾錢再入座終於等到第一舊，但望落同日本既顏色有唔同，無燒得咁鮮色，係比較暗啞，size都好似係細啲。而食落第一啖係無日本咁Juicy，同埋牛肉既肉味唔係好夠突出。到店員俾埋最後一舊，就出現燒得過濃既情況，因為食落係食到濃左既炭燒味。中途有加其他醬料，因為喺日本食過既椒麻醬，所以好期待香港既椒麻醬。但食落同日本係有差別，因為香港既色好似唔係鮮色，唔新鮮咁。總括黎講，價錢做到同日本差唔多，但吃落唔會有太大驚喜，可能喺日本食過，所以有對比，會覺得日本既質素係高啲，同埋店員無俾細碟放醬料，所以只可以直接加落飯到，如果訂位無咁難，可能都會試，但要上網預訂咁困難咁就可以等到無咁難訂先食，另外成個presentation ，日本黎講係日本優勝好多。下面呢張係喺日本澀谷店當日食既。

🍴A4九州和牛 $168 之前食過一次唔係和牛，今次試新嘢，一樣係set有三塊肉，無限添飯，一碗湯一隻蛋。肉餅要趁熱食，燒得剛好有焦香味，勁多肉汁，有少少肉香，冇咩牛味！個人覺得蘿蔔泥和自家製柚子醋好解膩，加蛋黃係升華左個飯😋 個人推介青唐辛子鹽漬檸檬，香得嚟解膩帶微辣口感！推薦指數: 7.5/10好食過普通版，網上預約依然困難！

日本過江龍-IFC挽肉と米啱啱開張嘅時候大排長龍，今次都係訂左先好快有位，唔使等😅標榜係Juicy 漢堡扒，基本上set 只係選擇幾多件漢堡😂每個座位都見到店員炮製漢堡扒，座位櫃桶都有調味料，同埋使用方法🙈每人都可以出去拎一隻雞蛋，白飯可以飲添😂overall 嚟講都係覺得只係比較Juice嘅漢堡扒，牛味都OK，會逐件上keep到新鮮，如果排好耐隊值唔值得，就見仁見智😅我感覺係試一次就夠🙈

HKD168 的A4和牛套餐比之前不是和牛的性價比更高✨肉汁更豐富牛味更香濃，個人建議每一款香料調味都試一試，會發現同一件漢堡會帶來不同魅力，配合香甜軟糯正宗日本米，真心超值。環境優美180度無敵海景晚上更有夜景份外璀璨，唯一美中不足跟有1小時的用餐時間。女職員見我們食完就提醒我們離開，但當時才30mins...當我拿出收據後職員道歉都沒有就轉身離開， 日本公司來說感覺培訓不足，除了要先看看入座時間オ提醒， 更要有基本禮貌才是正常待客之道。

這間餐廳以為自己至高無上，系統安排存在問題。話說它是以網上預約系統全數付款留坐的，先到先得絕對可以理解。但原來你搶到時間留位，亦不保正可以預留位置。如果唔想受氣，千萬不要光顧，只會換來一肚氣😤

「挽肉與米」以其「新鮮現絞、新鮮現烤、新鮮現煮」的三大原則，在競爭激烈的餐飲市場中脫穎而出，成為一家備受矚目的漢堡扒專門店。抱持著打造百年老店的願景，他們專注於提供最極致的漢堡扒體驗，而我這次也慕名而來，親身感受了這份堅持與用心。店內主打的「烤漢堡扒配飯」套餐，簡單卻不失精髓。套餐包含三塊以炭火烤製的漢堡扒、一碗味噌湯、一顆生雞蛋，以及無限續加的白飯。漢堡扒使用新鮮絞肉製成，肉質鮮嫩多汁，炭火的香氣更是令人食指大動。第一塊漢堡扒，我選擇品嚐原味。一口咬下，肉汁在口中爆發，炭烤的香氣與牛肉的鮮甜完美融合，簡單的調味更能凸顯食材本身的優質。第二塊漢堡扒，我嘗試了搭配店家提供的蘿蔔泥和柚子醋。清爽的蘿蔔泥中和了漢堡扒的油膩感，柚子醋則增添了一絲酸甜，讓整體口感更加豐富有層次。第三塊漢堡扒，我選擇了最經典的吃法——搭配生雞蛋。將蛋黃輕輕劃破，讓蛋液緩緩流淌在熱騰騰的漢堡扒上，再淋上少許醬油，一口咬下，滑嫩的蛋液與鮮美的牛肉完美結合，帶來了無與倫比的味覺享受。除了漢堡扒，店內的米飯也毫不遜色。據說店家選用的是高品質的日本米，並以羽釜鍋 烹煮，確保每一粒米飯都飽滿Q彈、香氣十足。搭配漢堡扒一起享用

挽肉と米指「絞肉與米」，主張「現絞、現烤、現煮」，以熱騰騰白飯搭配美味漢堡排🔥客人坐係吧台觀看漢堡排烤製過程，體驗感十足😍💗A4九州和牛挽肉と米定食($168)・3顆漢堡排 (90g/ 個)・白米釜飯吃到飽・味噌汁1碗・生雞蛋1顆漢堡排逐一送到客人面前嘅鐵網，保證每一塊都係熱辣辣啱啱烤好🤤漢堡排以100%牛肉製作，一咬落去好鬆軟，而且鮮美多汁，再加上炭火香味，超好餸飯🥩日本米飯以傳統「釜燒」方式烹煮，米粒顆顆分明、鬆軟飽滿，就算幾飽都會添飯🍚第一塊漢堡排先品嚐原汁原味👍🏼第二塊建議配以白蘿蔔泥拌柚子醋，或者分別加上香港特製蘋果醬油、青唐辛子鹽漬檸檬、油漬唐辛子、MOU先生特製麻辣粉、椒麻醬、香炸蒜碎變化出各樣口味🧄最後嚟個生蛋拌飯加豆拌醬油作結🥚🤔總括而言同日本差幾遠呢⁉️先講主角漢堡扒，口感一樣咁鬆軟，不過牛味同炭香好明顯冇日本咁濃郁，Juicy嘅但未止於爆汁🐃；而米飯嘅飯粒亦無日本店咁煙韌🍚醬汁方面冇日本調得咁好味，尤其係蘿蔔泥柚子醋好失望，日本個款食起嚟係清爽解膩，但香港個款得個「酸」字，仲有少少澀😖總括而言，香港挽肉只係還原到日本5️⃣成味道🥹

不需要和日本比較鍾意中環嗰間多過尖沙咀嗰間空氣感十足陽光普照$178 炭火現烤牛肉漢堡 x3仲有生雞蛋正呀用羽釜鍋 煮白飯非常香口睇見啲廚師現場打吓打吓真係好過癮微微洋蔥香 好多汁啊一撳落去 可以煮唔好咁熟粉嫩啲就Perfect。 啲調味料供給調味，本身肉已經有足夠的味道可以不用點吧。 不過嚟到梗係攞少少試吓啦醬料有香炸蒜碎 青唐辛子鹽漬檸檬特製椒麻醬鹽漬檸檬 油漬青唐辛子每款都激發味蕾長備炭火烤爐 煮完就擺喺你面前啦

🧭挽肉之米(中環)⭐️漢堡扒專門店⭐️🇯🇵過江龍💸 挽肉之米套餐 $148💸一入到門口 先用自助買飛機買套餐同飲品店員會帶你坐低 講解流程同食法簡單嚟講一共有3舊漢堡扒 同1隻生雞蛋第1件建議直接食 感受炭香同肉汁嘅爆發第2件配自家製柚子醋同蘿蔔泥 比較清新第3件配生雞蛋 加埋醬油做拌飯過程白飯任添 可以自己按喜好加唔同配料整體嚟講漢堡扒充滿炭火嘅香味咬落鬆軟 肉質嫩滑多汁食落熱辣辣 成個套餐好豐富滿足🍖💰人均 ~$200🍗食物：7.5/10👨‍✈️服務：8.5/10🪑環境：8.5/10💯總分：8/10總結: 舖頭啱啱開嘅時候，非常之難預約，試過每朝準時10點撳入預約網站都訂唔到。依家過咗段時間比較好book，有興趣可以食之前嘅兩星期朝早10點預約，較易有靚timeslot 。如果近排飛唔到日本，喺香港食都係一個好方法。🐮I#hongkong #hkfood #hkfoodie #foodie #holunhungry

上個月係中環做完野諗住三點靚四點哩啲時間無乜人嚟博下walk-in點知條預約左嘅隊都keep住有人嚟前面幾個walk-in都等到走左無奈放棄 本身都plan 11/4再嚟中環做野嘅時候食點知一星期前見到hsbc有優先預訂同送飲品優惠所以就book左預約左就基本上唔洗等報完到就入得一入門口就揀咗佢個套餐坐低就有職員介紹同埋揀送嘅嘢飲叫左蘋果肉桂梳打🍎好飲 肉桂味唔會太搶 比例上又唔會過甜!!一嚟就上左飯同湯先第一舊漢堡扒都好快送到個飯好好食🤣🤣 少少煙韌感漢堡扒非常多汁 外面有小少焦脆仲好香炭香味用左佢介紹嘅食法第一舊原汁原味 食完第一嚿等咗有啲耐先上第二舊佢咁啱新一批未熟第二嚿推薦食法係加上蘿蔔蓉同埋醬油蘿蔔蓉一早就放咗喺枱面加上蘿蔔蓉之後油膩感減低但又唔會搶咗漢堡扒個肉味個人口味最鍾意呢款今次食完第二嚿第三嚿就好快送上佢推薦食法係沾上蛋汁再將生雞蛋加上醬油到落個飯度每個客人都有一個生雞蛋不過我唔鍾意啲飯太濕所以淨係落咗少少枱面仲有六款唔同醬汁我最鍾意係點青唐辛子鹽漬檸檬椒麻醬都幾得意整體嚟講 我覺得啲飯同肉都係好食嘅不過要嚟試記得一定一定要訂位

呢間日本過江龍雖然黎左開港好耐，但質素依然保持到。用自助機比完錢之後，行去入面，有個位掛衫，咁食完唔會成身燒肉味。一個 set, 3件即燒漢堡扒，飯係任加，不過飯比較淋身。另外，自己可以去自助bar 拎日本蛋，同酙水。檸檬水配漢堡扒幾好，消濟。職員燒好塊扒，會放係你前面個網上面 rest 下。漢堡扒食落唔散，都 juicy. 有唔同醬料比客人簡，即使係3塊一樣既漢堡扒，都唔單調，唔怕食到悶。其中有柚子醋同蘿蔔泥，覺得一齊食幾正，幾解膩。個人覺得，雖然都係用日本材料，但食落都係係日本好食 d😆 Btw, 即使預約左時間，都要排隊入場，所以唔建議 walkin 去食，因爲唔知會排到幾時。但前排佢尖沙咀店開左，情況應該會好少少。

這間超人氣餐廳，walk-in兩次都失敗收場，人氣程度堪比演唱會搶飛。終於扚起心肝一早set定鬧鐘起網上成功book到位，一步踏入餐廳，落地玻璃窗外係一望無際嘅海景，心情即刻加分。大約$178一個set，性價比真係高得出奇。服務生細心講解每一道菜點樣食，唔單止係食飯，簡直係上咗堂美食體驗課。三塊厚厚的漢堡扒，煎得外焦內嫩，每一口都係牛味爆發，肉汁豐盈得好似要喺嘴入面跳探戈，真心感受到牛肉本身嘅鮮香同層次。白飯同太陽蛋係無限添，完全係飯桶福音，試過將隻蛋打落扒中間想嚟個完美融合，可惜佢彈返出嚟，未達成牛肉夾蛋成就解鎖，下次再戰！整體嚟講 : 從味道、視覺、服務到整體氛圍都令人滿意到拍手掌，唔怪得walk-in會無得食，建議你哋真係早啲book位，唔係就只可以望海興歎 

上網預約唔到 見到唔多人就walk in 排隊試下點知都係要排2個鐘 。雖然排2個鐘都真係幾痛苦，不過又真係好好食。期間其實見到入面好多單丁位，只要入座時用心安排一下，出面排隊嘅人可以無咁辛苦🥹，可以早啲入座到 。一入去要落左單先，無得加單 。$138套餐已經有3塊漢堡扒！每塊即場係你面前即燒，每一塊食用時都可以唔同方式食用，旁邊有唔同嘅配料 。漢堡扒一食落口😳即刻覺得排左2小時係值得🥹🥹 而且價錢比想像中抵，我仲點左杯青森蘋果汁同沙律，解下3塊漢堡扒無咁濟 。服務上可以再改善，旁邊有一位要講英文，有2位侍應要向其他人求救唔識英文，其實menu上都有英文，只需要簡易幾句greeting同介紹就可以，只係見佢地連試都唔試就求救感覺差啲，而且呢到係IFC 應該都唔少唔同國籍嘅人會來吧 。