影片
更多
2018-11-19
27 瀏覽
天氣開始轉涼，所以最近約親食飯好多時候都會選擇去打邊爐😅。今晚係媽咪第一晚入住新屋，我當然要同佢好好慶祝一下啦😁。揀嚟呢間火鍋店嘅原因係為左佢個勁辣惡魔雞煲，聽講辣嘅程度達魔鬼級，嗜辣嘅人又點可以錯過呢！不過當見到菜單，我就有啲淆底😜😝，事關佢嘅雞煲小辣有兩隻辣椒🌶️🌶️，但中辣一跳就到🌶️🌶️🌶️🌶️🌶️五隻辣椒嘅級別，一睇就知不能輕視，所以我都係先點小辣穩陣啲囉😁。我地點左半份雞惡魔雞煲，果然小辣已經比平時出面食到嘅辣好多，不過因為香料多，所以食落好惹味，感覺好似應該要咁辣先夠過癮！雞肉比較細件但入口非常鮮嫩，而且冇乜肥油添👍。其實媽咪咁細食，我地食完個雞煲都飽左大半，所以火鍋料只點了幾樣。頂級牛柳粒，我覺得麻辣鍋底一定要配紅肉嘅，今次我揀擇唔加湯做火鍋，改為只加少少水炆煮牛柳粒，徹底保留麻辣雞嘅精華，點知真係好好味喎，牛柳粒就算煮左好耐都依然嫩滑，可能因為油脂夠吧。老油條好少地方有，所以見到就要點，呢度老油條好香脆，但浸完湯汁仲好味，不過真係會辣到跳舞，要家長指引呢🤣🤣🤣！手打丸就專為媽咪而點嘅，一般丸類奄尖嘅廚藝高手媽咪係唔會睇得上眼架，所以唯有點手打丸先合佢意口火囉。同場加映仲有servi
今晚係媽咪第一晚入住新屋，我當然要同佢好好慶祝一下啦😁。揀嚟呢間火鍋店嘅原因係為左佢個勁辣惡魔雞煲，聽講辣嘅程度達魔鬼級，嗜辣嘅人又點可以錯過呢！
不過當見到菜單，我就有啲淆底😜😝，事關佢嘅雞煲小辣有兩隻辣椒🌶️🌶️，但中辣一跳就到🌶️🌶️🌶️🌶️🌶️五隻辣椒嘅級別，一睇就知不能輕視，所以我都係先點小辣穩陣啲囉😁。
我地點左半份雞惡魔雞煲，果然小辣已經比平時出面食到嘅辣好多，不過因為香料多，所以食落好惹味，感覺好似應該要咁辣先夠過癮！雞肉比較細件但入口非常鮮嫩，而且冇乜肥油添👍。
其實媽咪咁細食，我地食完個雞煲都飽左大半，所以火鍋料只點了幾樣。
頂級牛柳粒，我覺得麻辣鍋底一定要配紅肉嘅，今次我揀擇唔加湯做火鍋，改為只加少少水炆煮牛柳粒，徹底保留麻辣雞嘅精華，點知真係好好味喎，牛柳粒就算煮左好耐都依然嫩滑，可能因為油脂夠吧。
老油條好少地方有，所以見到就要點，呢度老油條好香脆，但浸完湯汁仲好味，不過真係會辣到跳舞，要家長指引呢🤣🤣🤣！
手打丸就專為媽咪而點嘅，一般丸類奄尖嘅廚藝高手媽咪係唔會睇得上眼架，所以唯有點手打丸先合佢意口火囉。
同場加映仲有service嘅花蛤，上枱時仲非常生猛，都幾鮮味架👍。
食麻辣鍋當然要飲番啲清熱野啦， 所以我地最後就點左竹蔗茅根水潤一潤咯。
下次要帶嗜辣嘅家姐嚟試， 睇下我地可唔可以挑戰中辣先得😁😁😁。
張貼
