The Blind Pig (諾士佛臺) (已結業)

今晚黎到尖沙咀諾士佛臺dinner，同行好友一早揀左呢間The Blind Pig，位於1號地舖，裝潢特別，好eye-catching~店員親切有禮又幽默，成個用餐過程都好愉快。餐廳設室內同露天位置，除一般主菜、甜品外，仲提供酒吧小食同雞尾酒，環境寬敞舒適，氣氛甚好，晚飯或者飲杯野都好適合。招牌豬手脆條、甜辣醬必試! 炸得酥脆可口，食落啖啖肉，豬手連豬皮口感爽滑有彈性，調味剛好，夠哂鹹香惹味。墨西哥芝士新豬肉薄脆有齊蕃茄莎莎、牛油果醬、橄欖、純素車打芝士，一大碟上枱超吸晴，好岩一班朋友開心share～Nachos夠香脆，新豬肉煙韌多汁，超正。楓糖黑啤醬燒豬肋骨配椰菜沙律、粟米、薯條主菜揀左豬肋骨，蘸滿楓糖黑啤醬，味道多層次，肉質好腍，鬆化香口帶點嚼勁，香嫩又juicy～伴碟有香甜燒粟米、熱辣辣炸薯條同開胃椰菜沙律。朱古力心太軟配雲呢拿雪糕外層焗得相當香脆，切開後流出香濃朱古力漿，配以冰凍雲呢拿雪糕，絕佳組合。飲品揀左PINA COLADA同APPLE PIE A LA MODE SHAKES，兩者甜度適中，清新又解膩。