沙田新強記燒鵝海鮮酒家

營業中

休息中

風和日麗係大圍踩完單車，發現個肚已經打曬鼓。行過呢間新強記，燒鵝味香噴噴搞到洗曬口水，入去試一試佢先。兩個人點左個招牌燒鵝乳鴿雞粥小菜套餐。新強記燒鵝王（例）燒鵝香噴噴，外皮酥脆，肉質完全唔柴，加埋少少既酸梅醬一齊食十分開胃。金牌燒乳鴿啱啱燒出嚟熱辣辣，外皮又薄又脆，食落口超過引，食到停唔到口。招牌新強記雞粥粥底香綿順滑，雞既鮮同香味入曬去粥到，但雞件依然保持滑溜，十分值得一試。椒鹽鮮魷魷魚炸得非常香口，肉質彈牙，分量亦很多。魚香茄子煲香港名菜，集香濃滑於一身，熱辣辣上枱，撈飯一流。