火五越式牛肉粉專門店 (華生樓) (已結業)

第一次食太子呢間嘅越式牛肉粉，店舖光猛整潔，感覺唔錯～餐牌有多款選擇，主要分三大類主食，河粉、檬粉同油香飯～我揀咗一個包羅萬有嘅火五火車頭牛肉粉，生牛、熟牛、牛丸同扎肉都有，先嚟一啖湯，好清甜好飲，牛丸係和牛牛丸，唔怪之得咁彈牙，仲有啲牛筋夾雜好爽口～熟牛係牛肋條，肉味香濃～另外，朋友order一個香茅豬扒油香飯，豬扒係黑毛豬，係高質食材，肉嫩多汁，味道比起一般豬扒唔同，黑毛豬肉比較鬆化，口感柔軟～～我仲叫咗一款小食，黑醋汁蒜蓉牛油雞翼，酸酸甜甜的味道，雞翼炸得香脆～飲品叫咗一杯白桃紅茶，另一杯荔枝梳打，梳打水夠氣正～