Mee...lemongrass (Megabox) (已結業)

放工之後同朋友去左megabox睇傢俬，睇完之後我地就去左食東南亞菜。呢間餐廳好出名食喇沙，亦都有好多其他好吸引既菜式。我地點左佢呢度招牌既Mee喇沙，入面有好多海鮮，包括大蝦、蜆肉、蟹柳、魚蛋等等，好豐富。喇沙既湯底亦都好濃郁，唔會好辣，正！另外，我地仲點左芭提雅蝦醬炒飯，蝦醬炒飯好惹味，入面仲有幾舊肥豬肉，勁邪惡。食東南亞菜當然要點埋呢個馬拉盞通菜啦，冇得輸既選擇！飲品方面，我地分別點左茉莉茶同埋茉莉奶蓋茶！