Lagom Kaffe (已結業)

返咗成個星期工，難得同愛人食lunch，梗係搵間陽光充沛、又有冷氣、坐得寬敞嘅Cafe hea下啦，位於觀塘嘅Lagom Kaffe 中午12點營業，我哋11:30去到已經要排隊，好明顯星期日好多人都好似我哋咁瞓飽先至食brunch😁黎麥花園沙拉 $68，椰菜花、羅馬生菜、紅菜頭、南瓜、蘋果、青瓜、沙律菜、蕃茄仔、黎麥、杏仁片、南瓜子⋯⋯既新鮮又豐富嘅材料，五彩繽紛恍如花園放上碟，配上簡單嘅蜜糖檸檬橄欖油意大利醋，清新👍🏼樂感早餐 128，太陽蛋、炒雜菇、沙律菜、煙肉、微辣法蘭克福腸、酸麵包，樣樣都好食，最令我驚喜嘅係近麵包位置，塗上一層玉桂醬響碟邊，隨意得嚟好有美感，重點係玉桂味好香👍🏼👍🏼吹笛（九十毫升的拿鐵）Piccolo $32，細細杯牛奶只有Latte的一半，比例係1：3，淡淡嘅濃縮咖啡配上香濃牛奶，由於牛奶份量較Latte少，突出到咖啡的原味，入口順滑。手沖咖啡 Hand Drip $78，當日有五隻咖啡豆可以選擇。