緣聚西日餐廳 (西裕街) (已結業)

入屯門搵好朋友吹水，我印象中屯門係無放題的，因為平時真係好少入黎。所以我們決定近近地去元朗食飯，朋友話近住千色附近有一間放題唔錯，所以我哋就嚟左呢度食晚餐。生蠔&長腳蟹 : 我哋個刺身多咗錢可以升級任食生蠔同長腳蟹，個生蠔真係肥美肉厚。芝士焗蠔 & 蒜蓉焗蠔 : 個蠔焗得啱啱好，好juicy！食放題刺身是必叫之選，所以我哋叫咗三文魚刺、甜蝦刺身、帶子刺身、魷魚同熟蛋。朋友很喜歡食呢度嘅三文魚，鮮甜之餘又夠肥。我同朋友都好鍾意食三文魚，所以就叫咗個三文魚花之戀。平時係其他地方食放題，花之戀舊飯都大大舊呢度嘅花之戀唔會太大件，值得一讚！印度咖喱薄餅整得卜卜脆，可惜咖喱汁太少。蒜蓉大蝦羊扒 : 原來呢度嘅西餐都唔錯，羊扒同大蝦既味道都拍得上西餐廳的水準，配上秘製的蒜蓉汁，好味！食到最後，我地當然要拎返啲甜品食。總括而且，呢個價錢可以食到拍得上市區質素的放題，不錯！