武士拉麵 (已結業)

身為稱職嘅拉麵迷，目標就係要食晒全香港嘅拉麵而呢間武士拉麵已經聽人講左好多次，今日終於有機會去試吓！雖然位置唔係好顯眼，但都唔算太難搵嘅，入到去餐廳既佈置都好有日本氣氛本身望住個餐牌，樣樣都好想試，同朋友諗左好耐，最後師傅都忍唔住同我地介紹下。聽師傅講依度嘅湯底全部都係豬骨湯，但係每一隻味加埋其他配料令到每個湯都好特別最後我同朋友叫左一個黑蒜油豬骨湯底拉麵同辛辣地獄拉麵黑蒜油豬骨湯底真係好濃，好似我咁鍾意食濃湯嘅朋友一定要試下而且半熟嘅糖心蛋都好好味我本身就鍾意食偏硬嘅拉麵，但點餐嘅時候就漏左講拉麵嘅硬度，不過最後拉麵嘅質感出到黎我都好滿意，適合鍾意偏硬嘅朋友仔如果鍾意食比較軟嘅拉麵嘅朋友，就記住點餐時寫清楚啦另外辛辣地獄拉麵嘅湯底一見到真係嚇親湯底完全係紅色，以為會好辣！不過最後食落都覺得OK，所以想試既話都唔使太擔心係食嘅途中師傅耐唔耐都會黎傾吓計，問我地好唔好味，真係好搞笑