豚道樂 (百合苑商場) (已結業)

餐廳色調以木系為主，俾人舒服感覺。坐位有得揀坐四方枱或坐單邊枱，好有日本拉麵店感覺。每張枱都有唔同調味料，任君選擇。特上海老湯拉麵櫻花蝦湯底，濃郁度適中，鮮味十足。配料有豬肩肉， 豬腩肉 ，溏心蛋，紫菜。豬肩肉就較為爽口，而豬腩肉就好滑，相比其他拉麵店嘅叉燒，呢度就俾到兩種唔同嘅豚肉享受。溏心蛋同紙菜都正正常常。日式煎餃子煎到幾香脆，唔會太乾，豬肉餡幾好味，而且咬落都juicy。密糖咖哩雞翼炸到卜卜脆，肉質滑溜而唔乾，但唔係好食到咖哩味。