和拉麵

營業中

休息中

拉麵不嬲係我最愛，尤其是麵底好重要！今日係大埔試咗哩間日本拉麵鋪，真心想推薦俾大家！大埔不嬲多野食，我同朋友兩個人放工，行經哩間小店，見價錢幾親民，就諗住試下！哩度揀麵係自由度非常高，自選湯底麵嘅軟硬，甚至配料嘅多少都有得揀，可以滿足到唔同人嘅口味！我叫咗一碗辛辣拉麵，小辣，有叉燒，麵底揀咗普通硬度，其他配料都係正常份量！叉燒都幾大塊，而且好滑，肥瘦適中，入口即融！湯底先係精髓，濃郁香醇，加少少辣味好開胃！佢自家嘅辣芽菜可以任添，更加惹味！哩間鋪頭細細地，勝在幾骨緻，仲幾有日本feel!店員亦都好好服務態度，招呼周到！整體黎講哩間餐廳味道算係唔錯，支持小店！