博多拉麵別天神 (已結業)

今日同朋友聽演唱會之前，行開紅磡想食少少嘢先， 咁我哋想快少少食咁就揀咗別天神拉麵嚟食。我哋order咗兩款唔同嘅小食: 小龍蝦蟹子沙律同埋餃子。 小龍蝦蟹籽沙律作為一個餐前小食我覺得都算唔錯因為我都食到入面有少少龍蝦肉 同埋配搭埋塊紫菜撈埋一齊食、 感覺幾新穎。 至於餃子餃子皮薄餡靚，我覺得都煎得唔錯。濃湯豚骨拉麵:豬骨湯味都幾濃郁，佢嗰啲湯， 入面都已經凝結咗一層豬骨精華， 嚟之前一定要飲咗湯先， 個湯真係幾好飲，再加埋佢個拉麵， 都算軟硬適中 ，同埋都幾彈牙， 同埋佢塊叉燒亦都燒得唔錯，所以呢個豬骨拉麵 我覺得都可以媲美日本嘅拉麵。櫻花蝦味增拉麵： 呢個櫻花蝦佢其實個湯底就比較濃味一啲， 雖然同我碗豬骨湯麵有D唔同，但拉麵面質都ok ，湯底我覺得比較濃味，鍾意飲濃味湯嘅朋友可以試下呢個櫻花蝦拉麵。其實呢間嘅拉麵店，我覺得溏心蛋煮得幾出色，因為係以半熟嘅狀態煮出嚟。 所以如果鍾意食拉麵嘅朋友可以試下別天神。