阿久根和牛拉麵屋

營業中

休息中

我點咗【灸燒豚肉雞白湯拉麵$68】黎到緊係試咗碗湯先，湯嘅質感幾厚同濃郁，亦都好掛麵🍜。塊灸燒豚肉🔥🐖好好味，肥膏嘅位入口即溶，肉嘅質感亦都好好唔會太硬亦都唔會太淋。拉麵附上半隻流心蛋，有醬油味得黎唔會太咸，同時亦都好流心，高水準👍🏻。男朋友點咗【慢煮A4和牛叉燒雞白湯 沾麵$128】因為呢個係沾面，所以個湯比前一個咁濃郁，飲得出個湯好足料，濃濃既蝦🦐味。至於A4和牛🐂一上枱係好靚嘅粉紅色，可以因應你自己鍾意，再浸湯去決定生啲定熟啲，好正好軟淋，最可惜係得兩塊。麵既質感都好彈牙同時亦都好掛湯。餐廳環境的確好細，不過裝修同格局都幾似日本啲拉麵屋。