影片
更多
2016-01-23
244 瀏覽
一月尾既天氣終於開始轉冷。冷冰冰既日子就最岩食番碗熱辣辣既咸香拉麵，暖一下個胃呀！黎到佐敦呢間拉麵達人，係區內都幾有名氣。醒目既日式裝修，離遠已經可以留意到，門口掛住印有大大隻字“達人” 既燈籠，相當吸睛！雖然鋪頭所處地點唔係人流如鯽既大街，而且去既當日落住微雨，但估唔到依然有八成既滿坐率，睇黎都有唔少熟客支持喎~我叫左一客達人黑蒜拉麵。麵身幼直，略嫌偏硬，猶幸尚算彈牙。以豬骨作基調既湯底有極濃郁既黑蒜油味，一片黑晶晶既濃湯之上飄著油花，香氣四溢。加分點係本身睇樣以為會好油，但食落口驚喜地唔會過份油膩。香濃之極既湯底，因為有唔同既配料，再加上黑蒜油既甘苦味同油潤，不論味道或口感都有鮮明既層次感。溏心半熟蛋既蛋黃仍呈膏狀，蛋香味滿溢口中，在冷天感覺滿足。朋友就叫左一個人気之選既櫻花蝦拉麵。麵底當然係如出一轍。呢款海鮮口味拉麵既主角係炸至金黃既櫻花蝦同蟹柳棒。櫻花蝦既口感細緻，香脆回甘。而且湯底帶有蝦既甘甜滋味。但可惜就過咸。溏心蛋襯托之下，整體來說味道不錯。兩者之中，我個人較喜歡黑蒜拉麵。拉麵熱潮方興未艾，一間又一間主打唔同特色既拉麵鋪係近幾年接連湧現，而且唔少水準都同日本本地既出品越貼
黎到佐敦呢間拉麵達人，係區內都幾有名氣。醒目既日式裝修，離遠已經可以留意到，門口掛住印有大大隻字“達人” 既燈籠，相當吸睛！雖然鋪頭所處地點唔係人流如鯽既大街，而且去既當日落住微雨，但估唔到依然有八成既滿坐率，睇黎都有唔少熟客支持喎~
我叫左一客達人黑蒜拉麵。麵身幼直，略嫌偏硬，猶幸尚算彈牙。以豬骨作基調既湯底有極濃郁既黑蒜油味，一片黑晶晶既濃湯之上飄著油花，香氣四溢。加分點係本身睇樣以為會好油，但食落口驚喜地唔會過份油膩。香濃之極既湯底，因為有唔同既配料，再加上黑蒜油既甘苦味同油潤，不論味道或口感都有鮮明既層次感。溏心半熟蛋既蛋黃仍呈膏狀，蛋香味滿溢口中，在冷天感覺滿足。朋友就叫左一個人気之選既櫻花蝦拉麵。麵底當然係如出一轍。呢款海鮮口味拉麵既主角係炸至金黃既櫻花蝦同蟹柳棒。櫻花蝦既口感細緻，香脆回甘。而且湯底帶有蝦既甘甜滋味。但可惜就過咸。溏心蛋襯托之下，整體來說味道不錯。兩者之中，我個人較喜歡黑蒜拉麵。
拉麵熱潮方興未艾，一間又一間主打唔同特色既拉麵鋪係近幾年接連湧現，而且唔少水準都同日本本地既出品越貼近。可能競爭大左，有部份拉麵店就大搞噱頭宣傳，往往重視噱頭多於食物本身既質素。其實只要用心出品，煮出水準食客自然就能夠感受到誠意，又何須捨本逐末呢。
張貼
