博多一幸舍 (已結業)

前兩日到了佐敦一間日式拉面店，行到門口覺得都裝修都幾特別，又見到裡面都唔少人，就一於入去一試啦！裡面原來好似Food court咁，有6個counter位，每間都有唔同特色咁，今次就揀咗一幸舍黎試吓先…首先去counter揀左日式叉燒拉面，裡面有D工作人員原來係講日文o架，跟住間野俾左個牌仔我。大約過咗十分鐘左右個牌仔震，咁我就去攞面喇….個面o既賣相一般，但係個香味就好吸引，會唔會係因為我肚餓呢！湯底味道比較濃，咸左DD。面質好煙un，碗面個份量啱啱好，不過隻蛋就好似熟咗D。整體上o既感覺都幾日本feel。