Fûhn (The L. Square) (已結業)

放工約咗朋友去銅鑼灣食飯，今晚佢話想食越南野，就搵左呢間，橫掂我都冇咩所謂，而且價錢都幾抵，就一齊試吓啦。一嚟到見到好多人，坐得有啲迫，不過環境都幾乾淨！首先我哋叫咗一個柚子大蝦沙律，嚟到見到勁大盤，我哋兩個人都食唔晒！但味道唔錯！開胃！我哋兩個都鍾意食炸嘢嘅，叫咗個牛油雞翼，上面仲有我最愛既炸蒜，仲叫多咗個椒鹽軟殼蟹，夠晒香口，而且仲好大隻！睇嚟呢度食物嘅份量都全部好大，夠晒抵食！另外我就叫咗個湯麵幾鍾意佢個湯底清清地！仲有雞絲雞肉丸同埋蛋！我仲叫左椰青，好甜，肉又滑。