八不·壽喜燒

營業中

休息中

太子美食多不勝數，呢間“八不”隱藏喺布行／汽車建材店林立既大南街，如果唔係有朋友介紹的話，好易走寶。餐廳店內店外劃一用上和式風格，木雕、門簾、壁畫……令人有置身日本既錯覺。餐廳主打係壽喜燒套餐，價錢$128起，已包括一份肉+野菜籃+日本雞蛋。我地叫左個美國安格斯板腱套餐，追加葛絲，另外還點了吉列千層豚同蘋果汁。壽喜燒率先送上，店員愉細心講解及開爐。牛板腱大約8-10片，顏色鮮紅，厚薄適中，肉味濃而且有彈性，肥膏唔多，非常高質。野菜盤份量唔少，有冬菇／金菇／南瓜／豆腐／葛絲／大根／娃娃菜／火箭菜……其實只要追加一份肉／烏冬絕對夠兩個人食。我最鍾意食葛絲，口感Q彈，吸盡湯頭味道，煮耐左都唔會過淋。個套餐除左壽喜燒汁外，仲有支煮菜既清湯，可按個人口味調配兩者比例。吉列千層豚都好好味，手作特色小食，用左豚腩所以肉質特別軟嫩多汁，外皮亦做得夠薄夠酥脆。蘋果汁係日本直送既“大阪居留地”100%果汁，抵飲。人均$200左右，環境、食物、服務態度都好好，好快會再黎食。