Running 燒 (已結業)

2018.10.23（星期二）好耐無食燒肉啦～特登揀左呢間放題燒肉同老公大食一餐～呢間running 燒吳單止有各式肉類可以燒，仲有海鮮同蔬菜以及韓式小食可以點選仲有自助任飲櫃添！海鮮居然有燒生蠔，仲有燒帶子同蝦。個燒帶子真係好正，可以燒到外脆內爽，好正～蝦同蠔都算不錯❤️encore左幾轉!燒肉來說，我個人最喜歡雪花牛仔肉，西施牛肉片同厚切豬腩肉，不斷encore~燒雞翼中間切一切去燒，燒得快熟夠脆皮，都好正！仲有呢碟柚子味炸雞真係好好味👍🏼雞炸得夠脆夠嫩，配上香甜柚子味，成件事好韓式好好味！最後每人送指定甜品一款，我要左椰子味雪條，清甜得來夠解膩，為呢餐韓燒完美作結