一喜‧燒肉

營業中

休息中

屯門抵食火鍋放題，有燒肉有刺身，仲送壽喜燒✌🏻屯門有好嘢食啦，主打燒烤放題，入邊啲肉系任叫任食😊😊咁就唔驚食唔飽。去到餐廳門口嗰陣嚇親我，好多人食呢間餐廳。入到去覺得燒肉店抽風幾好，唔覺得好臭油煙味。上到自助區，全部都好企理。嘢食擺放得好整齊，而且種類多。自己比較鐘意食美國牛肩胛、五花腩，因為燒到咁上下脆卜卜好正正子😍 牛肉好新鮮，好有牛味又香滑，油脂同瘦肉嘅比例啱啱好😝😝另外單骨雞翼、雞腿肉都滑，食到好飽！壽喜燒啲牛好靚，有得任叫任食🤓而且冇燒肉咁熱氣，真系冇得輸，非常之推介佢哋嘅壽喜燒!!去到最後仲有好多唔同種類嘅甜品，好鐘意佢哋有本地嘅雪糕，爆谷味❤️