越南站餐廳 (已結業)

姨姨說這店比同區有名的越南菜館 "火車頭" 更好味, 所以今晚提議到這店晚飯, 她說好多人排隊的, 所以我們六點前已到達. 店子真係坐滿人呢....好彩我們都好快有位. 坐下點了柚子蝦沙律, 咖哩牛腩跟法式蒜蓉包, (店員介紹了椰青焗蟹和燒肉丸), 馬拉盞炒芥蘭, 後來再加了生牛河...(沙律漏左單, 所以無黎到.....店員都有禮貌的連聲道歉)最先上的係碟菜, 炒得入味. 咖哩汁都算香, 不辣, 牛腩夠"林", 但只得一少件薯仔似乎少左d.... 燒肉丸包埋 d 生菜食再加少少魚露, 味道岩岩好. 椰青焗蟹好鮮甜, 仲可以飲埋 d 湯. 生牛河的湯底略甜, 牛肉同河粉都不錯.飯後想試下甜品, 見餐牌都有幾款選擇, 可是店員說只得越式糖水和香蕉枇....其他的今晚未有供應...所以沒叫了...因新開張不夠一個月, 所以店員都顯得未夠熟手...但勝在有禮貌. 店子雖少 (只有二十多個座位), 但尚算舒適.