餐廳以蟹為主打，除咗大門口嘅蟹招牌，入面都有唔少蟹蟹嘅公仔。
黃金流沙龍蝦
今次就冇食到蟹，事關朋友仔見到龍蝦有特價！黃金流沙，真係做到金黃色，充滿鹹蛋香，餸飯一流！龍蝦大大舊，食落啖啖肉，肉質都好結實。
醬燒BB鴨
呢個係一個新加嘅菜色，店員強烈推介。一開始，燒鴨紮咗一個蝴蝶結喺頭上，好可愛！店員見到打完卡，先會拎返入廚房切。BB鴨嘅肉好滑嫩，連啲皮都充滿醬油香，所以唔點醬都好夠味。
黃金豆腐
豆腐一粒粒整齊排列，每一個都炸到金黃色，望落已經好吸引。我就鐘意點埋甜酸醬汁一齊食，酸酸甜甜好開胃，仲可以解解膩。
莞香鮑魚炒粉絲
配咗芽菜、蟹籽、雞蛋同鮑魚一齊炒粉絲，材料好豐富，食落有口感。
馬來西亞咸水梅桔仔冰
夏天真係好需要一杯冰涼嘅飲品，清新解渴。
