潮輝麵家 (已結業)

今日夜咗少少開餐，唔可以食得太豐富添，新蒲崗真係最多又平又抵食嘅舖頭仔，LEE間魚蛋粉舖頭新開咗無幾耐，又走咗入去試下。一間普普通通嘅舖頭，餐牌上面竟然都有三寶，哈哈，最後當然係食佢啦！牛三寶：五香牛腩，金錢牛肚，爽滑牛筋，我自己就揀咗LEE款配米粉，同另一半交換下餸，我同佢都變咗做六寶米，哈哈哈！LEE間嘅牛腩同牛肚都好有味道，如果再淋D就更好喇，牛筋都算淋，湯底又OK，整體嚟講都幾好味，LEE個價錢，佢真係好多牛喎，三寶都多，感覺比米粉還要多，堅抵食喎！魚三寶：手製魚旦，爽滑墨丸，魚皮胶，另一半就揀咗LEE款，佢都係配米粉。除咗墨丸麻麻地之外，魚旦同魚皮餃嘅味道都可以。