霜瀛 (已搬遷) 新店位置

今次同老公黎到霜瀛食我最愛既omakase，真係物超所值呀！我地食$1580/位既霜👨🏻‍🍳前菜已經好吸睛好好正！梅酒啫喱蕃茄令蕃茄有輕輕既酒味，口感好好又好香🍅水母剌身口感好特別，有淡淡既鮮味😋白粟米都好清甜🌽甜黑豆唔會太甜，但又有咬口，好味！比較少有omakase有得食既生蠔更吸引🦪鮮鳳日趾生蠔，係北海道出產，配上酸汁啫喱，蔥同菊花，好鮮味生蠔又好肥美，好滿足！🤤另外特別啲既仲有太刀魚🐟煎香到微焦既魚皮配埋薑蓉一齊食，好脆口！魚肉又好鮮甜，好好食！🤪壽司方面全部都好出色，包括一定唔少得既海膽。而中拖羅壽司特別正！壽司上面加佐魚子醬，清心大間出產既中拖羅更加係一入口就溶開咁，魚味超濃，食完直情有幸福既感覺！🥰