影片
更多
2022-08-27
17 瀏覽
自從上次食過Omakase 後，因為實在太好味啦，所以心思思又搵朋友一齊去試另一間- 霜瀛，呢間店位於港島上環區，平時只係知道上環有好多海味舖，都唔知原來都有好多omakase 餐廳，有機會都要一一試吓~ 餐廳而家做緊一週年限定優惠，凡惠顧晚市套餐，二人同行第二位會半價，即75 折，超抵。我地梗係立即揀吓食邊個餐啦，最後決定試吓佢個$1580 「霜」套餐。 食飯前梗係諗吓配咩酒啦，餐廳都有多款酒以供選擇，經理推介咗「艶」比我地，清甜，但酒味淡淡地，配刺身幾夾，細細支2個人飲啱啱好，另外中段口渴就再叫咗sapporo 既Draft beer黎試吓，黑啤溝白啤，口感細滑又濃郁! 🔸前菜: -有水母刺身、以色列蕃茄&蜂蜜醋啫喱，白粟米 蕃茄加埋蜂蜜醋，酸酸甜甜好醒胃；白粟米好清甜，無渣，好食 -海參三文魚子茶碗蒸 加入海參令茶碗蒸變得更名貴，三文魚子增加食時的口感同鮮味 🔸時令刺身： -北海道仙鳳趾生蠔配酸汁啫喱 有「海中牛奶」既稱號，味道好鮮甜，有濃郁海水味，口感嫩滑，加埋個酸汁啫喱，更加鮮味。 -八爪魚腳刺身，爽脆，只係加入少少竹炭鹽提味，而用柚子皮就令佢更清香。 - 太刀魚，即我
餐廳而家做緊一週年限定優惠，凡惠顧晚市套餐，二人同行第二位會半價，即75 折，超抵。我地梗係立即揀吓食邊個餐啦，最後決定試吓佢個$1580 「霜」套餐。
食飯前梗係諗吓配咩酒啦，餐廳都有多款酒以供選擇，經理推介咗「艶」比我地，清甜，但酒味淡淡地，配刺身幾夾，細細支2個人飲啱啱好，另外中段口渴就再叫咗sapporo 既Draft beer黎試吓，黑啤溝白啤，口感細滑又濃郁!
🔸前菜:
-有水母刺身、以色列蕃茄&蜂蜜醋啫喱，白粟米
蕃茄加埋蜂蜜醋，酸酸甜甜好醒胃；白粟米好清甜，無渣，好食
-海參三文魚子茶碗蒸
加入海參令茶碗蒸變得更名貴，三文魚子增加食時的口感同鮮味
🔸時令刺身：
-北海道仙鳳趾生蠔配酸汁啫喱
有「海中牛奶」既稱號，味道好鮮甜，有濃郁海水味，口感嫩滑，加埋個酸汁啫喱，更加鮮味。
-八爪魚腳刺身，爽脆，只係加入少少竹炭鹽提味，而用柚子皮就令佢更清香。
- 太刀魚，即我地叫做既牙帶魚，師傅用炙燒方式將魚皮燒香，油香味立即香氣撲鼻，再加少少柚子鹽去提味，食時先食到炙燒後魚皮既油香，及後食到魚肉時會較有口感，越食越甜及魚味湧現。
-堅魚，師傅今次用蘋果木煙燻去處理，初時係食到蘋果木的香味，然後魚味會慢慢出，去到後來就會有淡淡的甜味
-花咲蟹肉配三文魚子
喜歡食蟹既我對呢個好開心，日本花咲蟹折肉，啖啖肉，再加上三文魚子，只有鮮味可以形容
🔸季節料理
-鵝肝蘿蔔
其實唔係蘿蔔，係叫蕪菁既疏菜，同蘿蔔屬同科，外形都相似，但口感比較鬆軟多汁，而且清甜少根。師傅先用雞湯煨煮蕪菁，再將煎香既鵝肝同食，再舖上辣椒絲，用紅酒藍莓做醬汁，減低食鵝肝時既肥膩感。
🔸手握壽司：
今次手握壽司的壽司飯用上赤醋飯，比平時的壽司飯無咁酸，更能品嚐魚既鮮味，而且師傅每款壽司都用上唔同既配搭，無重覆過，足見好細心，及對食物有堅持
-鮫鰈魚
魚邊用火炙，加上三升漬
-伊左木壽司，加上少少黑松露
-深海池魚，加上烏魚子粉
-石垣貝 ，時令食材，好鮮甜
-牡丹蝦，將煮過既蝦膏鋪面，上面再加上櫻花蝦，蝦肉依然清爽鮮甜，但味道比平時牡丹蝦刺更濃郁，蝦味大爆發🤩
-大Tora，上面加咗黑魚子
-白海膽
白海膽其實係受精既紫海膽，顏色比較淡，水份比較高，所以口感會較濕潤，而且會更濃郁鮮甜
-赤木魚，加上芥末籽
🔸湯:
𩶘魚湯，先用娃娃菜等蔬菜慢煮4-5小時，熬煮成濃湯，超鮮甜，膠質好重好好味。
🔸甜品
蜜瓜，用最中餅夾開心果雪糕,味道又配合得幾好
張貼
