影片
更多
2017-12-09
155 瀏覽
呢日去開旺角，記起兆萬有好多任食餐廳，見到任食韓燒，於是決定試吓。見到個 drink menu 啲飲品好吸引，雖然啲汽水啤酒都係任飲，但我好想飲有生果味嘅酒，所以額外叫咗 Icing 西瓜味同西柚味汽泡米酒，2款米酒都甜甜哋，飲到自然嘅生果味，加上有啲汽，好易入口，食韓燒配佢哋好夾。各款汽水同啤酒都係自助任飲，有好多款韓國汽水、果汁同啤酒揀。煎海鮮蔥餅啲邊煎到脆脆哋，好香蔥味，唔錯; 韓式炒粉絲就甜甜哋; 薄切五花肉燒完好香脆，夾埋生菜一齊食，正好中和油膩感。烤LA牛排骨同烤牛肉都醃得入味; 雞肉串本身有燒汁喺面，所以比較易燒焦，要好好睇火，啲雞肉好滑，配埋甜甜哋嘅燒汁，好惹味。牛脷、牛五花肉同牛肋肉骨肉都無醃過，食到牛肉原味，肉質食得出幾新鮮，每碟肉類同海鮮都會跟幾片雞脾菇，食吓烤肉，又食吓啲烤菇，感覺平衡啲。大蝦同鮑魚配埋芝士一齊燒，有另一翻滋味。生蠔、帆立貝、蝦同鰻魚都可以任食。同朋友慣咗烤肉夾蒜片食，於是問吓店員有冇蒜片，原來係問先會提供，但就免費供應。韓式什錦飯辣辣哋，用埋石鍋上，熱辣辣，好好味。韓式拉麵嘅麵好煙韌彈牙，食得出係韓國泡麵同湯底，如果我哋唔係咁飽，一定會enco
見到個 drink menu 啲飲品好吸引，雖然啲汽水啤酒都係任飲，但我好想飲有生果味嘅酒，所以額外叫咗 Icing 西瓜味同西柚味汽泡米酒，2款米酒都甜甜哋，飲到自然嘅生果味，加上有啲汽，好易入口，食韓燒配佢哋好夾。
各款汽水同啤酒都係自助任飲，有好多款韓國汽水、果汁同啤酒揀。
煎海鮮蔥餅啲邊煎到脆脆哋，好香蔥味，唔錯; 韓式炒粉絲就甜甜哋; 薄切五花肉燒完好香脆，夾埋生菜一齊食，正好中和油膩感。
烤LA牛排骨同烤牛肉都醃得入味; 雞肉串本身有燒汁喺面，所以比較易燒焦，要好好睇火，啲雞肉好滑，配埋甜甜哋嘅燒汁，好惹味。
牛脷、牛五花肉同牛肋肉骨肉都無醃過，食到牛肉原味，肉質食得出幾新鮮，每碟肉類同海鮮都會跟幾片雞脾菇，食吓烤肉，又食吓啲烤菇，感覺平衡啲。
大蝦同鮑魚配埋芝士一齊燒，有另一翻滋味。
生蠔、帆立貝、蝦同鰻魚都可以任食。
同朋友慣咗烤肉夾蒜片食，於是問吓店員有冇蒜片，原來係問先會提供，但就免費供應。
韓式什錦飯辣辣哋，用埋石鍋上，熱辣辣，好好味。
韓式拉麵嘅麵好煙韌彈牙，食得出係韓國泡麵同湯底，如果我哋唔係咁飽，一定會encore。
最後會有甜品送上作為呢餐嘅結尾。
全晚店員時不時過嚟睇吓有冇需要換燒烤板，佢哋見塊經燒到燶燶哋，就會主動幫我哋換，值得讚賞。
另外，枱與枱之間保留一定距離，加上食物質素不俗，以呢個價錢任飲任食，真係幾抵食。
張貼
