香港達人 (迎海薈) (已結業)

嚟附近做野順便食過靚早餐，揀左呢度，可能呢度太僻，搭馬鞍山線都要入到最入，加上附近都係得一、兩個屋苑，所以唔太多人，一個人都可以坐卡位，坐得非常舒服！早餐選擇都多，選擇恐懼症嘅我都諗左陣，揀左個芝士雜菌炒蛋配腸仔同多士，再加左$6 要埋個蕃茄湯通，擺盤別緻，味道唔錯，係個蛋好似老左少少，但都可以接受！熱咖啡水準正常！埋單計$40，價錢係茶餐廳價，但成個環境似西餐廳多，夠靜夠舒服，所以有機會都會再嚟！