影片
更多
2018-12-11
93 瀏覽
朋友在九龍灣上班，放工後約我吃晚飯，因為佢最近在office附近收到有新店開張，送$20 coupon， 每位都可以用， 喺唔想浪費 coupon 嘅心理下，就一於去試下呢間新店。火鍋店位於工業區，地點頗隱蔽，幸好在地下不斷有指示，否則我諗都好難搵到。去到餐廳，覺得裝修有啲似茶記，望下牆上，真係有茶記兩個字。雖說似茶記，但係侍應阿姐服務態度一點也不怠慢，由於我哋揀咗食$198嘅麻辣雞煲+日式刺身+ 任食火鍋。阿姐好快送上刺身，當我哋食完刺身時，佢又好快送上雞煲，並提醒我哋可以選定火鍋料，稍後食完雞煲就可以開始打邊爐，唔駛呆等火煱料囉。免費飲品任飲，仲有自家製竹蔗紅蘿蔔馬蹄水 供應，好清潤，唔怕打完邊爐會熱氣。刺身有甜蝦、帶子同三文魚，冰鎮上，幾新鮮。雞煲用嘅應該係冰鮮雞，但質素都唔錯，有雞味，加埋自家製醬汁炒，好惹味。因為今日有少少唔舒服，所以想食得清啲，就叫咗海蝦、花膠、鮮牛肉、腐皮、竹笙、萵筍、腐皮同自家製嘅蝦丸。食完再叫韭菜餃、墨魚丸、響鈴、魚腐、海沙白。仲有自家製蝦滑同埋新鮮蔬菜。今次呢個火鍋係用粥水做湯底，清清地，可以食到食物嘅真正味道，唔錯！不喜歡濃味和油膩的朋友，這個火鍋
火鍋店位於工業區，地點頗隱蔽，幸好在地下不斷有指示，否則我諗都好難搵到。
去到餐廳，覺得裝修有啲似茶記，望下牆上，真係有茶記兩個字。雖說似茶記，但係侍應阿姐服務態度一點也不怠慢，由於我哋揀咗食$198嘅麻辣雞煲+日式刺身+ 任食火鍋。阿姐好快送上刺身，當我哋食完刺身時，佢又好快送上雞煲，並提醒我哋可以選定火鍋料，稍後食完雞煲就可以開始打邊爐，唔駛呆等火煱料囉。
免費飲品任飲，仲有自家製竹蔗紅蘿蔔馬蹄水 供應，好清潤，唔怕打完邊爐會熱氣。
刺身有甜蝦、帶子同三文魚，冰鎮上，幾新鮮。
雞煲用嘅應該係冰鮮雞，但質素都唔錯，有雞味，加埋自家製醬汁炒，好惹味。
因為今日有少少唔舒服，所以想食得清啲，就叫咗海蝦、花膠、鮮牛肉、腐皮、竹笙、萵筍、腐皮同自家製嘅蝦丸。
食完再叫韭菜餃、墨魚丸、響鈴、魚腐、海沙白。
仲有自家製蝦滑同埋新鮮蔬菜。
今次呢個火鍋係用粥水做湯底，清清地，可以食到食物嘅真正味道，唔錯！不喜歡濃味和油膩的朋友，這個火鍋湯底會非常適合你。
張貼
